არჩევნების გადადების საკითხი არ განიხილება – ამის შესახებ განცხადება პარლამენტის თავმჯდომარემ გააკეთა.
არჩილ თალაკვაძე ამბობს, რომ მოქალაქეების, საარჩევნო ადმინისტრაციისა და დამკვირვებლების ჯანმრთელობის უსაფრთხოება მაქსიმალურად იქნება უზრუნველყოფილი.
“არჩევნების გადადების საკითხი არც განიხილება. რასაკვირველია, ჩვენ ჩავატარებთ არჩევნებს, როგორც ეს კონსტიტუციით არის გათვალისწინებული, ვუზრუნველვყოფთ მაქსიმალურ უსაფრთხოებას ჩვენი თანამოქალაქეებისთვის, ხმის მიცემის პროცესში, ისევე როგორც საარჩევნო ადმინისტრაციის და დამკვირვებლების ჯანმრთელობის და უსაფრთხოების დაცვას.
ჩვენ მზად ვართ ამისთვის, საკანონმდებლო ცვლილებები ჯერ კიდევ 6-7 თვით ადრე გავაკეთეთ. რესურსები იყო ამისთვის მობილიზებული“
შეგახსენებთ, ეს ის საკანონდებლო ცვლილებებია, რომლებზეც “ალია” მაისში, ივლისში და ოქტომბერში წერდა და რომელსაც უკვე ვუწოდეთ – საკანმომდებლო დიქტატურა. ამ ცვლილებების თანახმად, მთავრობას არ მოუწევს საგანგებო მდგომარეობის შემოღება ისე შეზღუდავს შრომის, საქმიანობის, მიმოსვლის და სხვა უფლებებს.
კომენტარები