“პირდაპირი ფრენები ნოემბრიდან აღდგება – ეკონომიკას ჟანგბადს მივცემთ”

ევროპის მიმართულებით პირდაპირი ფრენები თბილისიდან და ქუთაისიდან ნოემბრიდან ეტაპობრივად აღდგება. ამის შესახებ პრემიერ-მინისტრმა გიორგი გახარიამ განაცხადა.

„მას შემდგომ, რაც მივიღეთ გადაწყვეტილება ეტაპობრივად, ნოემბრიდან საჰაერო მიმოსვლის აღდგენაზე, პირველი ნაბიჯი იქნება, ოქტრომბრის ბოლოდან არსებულ რეისებზე ფრენების დამატება. ეს გახლავთ პარიზის და მიუნხენის მიმართულებით. პირველი ნაბიჯი ამ მიმართულებებით დამატებითი რეისების დაწესება იქნება, რაც გარდა იმისა, რომ ჩვენს მოქალქეებს ევროპაში გადაადგილების შესაძლებლობას მისცემს, ეკონომიკას უფრო მეტ ჟანგბადს, ასევე ქვეყანაში დამკვირვებლების მარტივად შემოყვანაში დაგვეხმარება. ამასთან, შემდგომ უკვე, ნოემბერში, ეტაპობრივად პირდაპირი რეისები გაიხსნება, როგორც თბილისიდან, ასევე ქუთაისიდან ევროპის მიმართულებით. ამას იმიტომ ვაკეთებთ, რომ მოქალაქეებს შესაძლებლობა მივცეთ უფრო და უფრო მარტივად მოხდეს მათი დასაქმება“

შეგახსენებთ, როცა დღეში 10 ინფიცირებული გვყავდა, ფრენა ევროპის იმ ქვეყნებთან, რომლებიც ჩაფრენის უფლებას გვაძლევდნენ – ავკრძალეთ, ახლა, როცა დღეში 900-ზე მეტი ახალი შემთხვევა გვაქვს ფრენების აღდგენას ვიწყებთ – აი, რამდენად მოგვცემს ახლა, ამ მონაცემით, ევროპის ქვეყნები ფრენის აღდგენის უფლებას – ამ კითხვაზე პრემიერს პასუხი არ გაუცია.