მომდევნო თვეში ჩვენ უნიკალური თარიღი გველის.
2020 წლის 2 თებერვალს – 02.02.2020 – ეს, ნუმეროლოგების თქმით, ნამდვილი ჯადოსნური დღე იქნება ყველა ქალისთვის. რიცხვების ეს კომბინაცია ათასწლეულში მხოლოდ ერთხელ ხდება, ასე რომ, არ გამოტოვოთ შანსი გამოიყენოთ ციფრების ჯადოსნობა და თქვენი ცხოვრება უკეთესობისკენ შეცვალოთ.
2 თებერვალი იუპიტერის ენერგიით იქნება გაჯერებული. ეს ძლიერი დღე იქნება მამაკაცებისთვისაც, მაგრამ სწორედ ქალებს მიეცემათ შესაძლებლობა, რომ ნამდვილი სასწაულები მოახდინონ. მთავარია გამოიყენოთ ეს შანსი და იგი სწორად დახარჯოთ.
მაშინაც კი, თუ თქვენში ახლა აპათია დომინირებს, თქვენი ძალები კი ნულს უტოლდება, სულ მალე ყველაფერი შეიცვლება. ნუ შეუშინდებით ცვლილებებს!
მამაკაცური ენერგია დიდხანს ჭარბობდა. ახლა ყველაფერი ქალური ენერგიის სასიკეთოდ დაიწყებს შეცვლას, და სამყარო დაიწყებს მოძრაობას იქით, საითაც ქალს სურს.
როგორ გავატაროთ ეს დღე სწორად?
- პირველ რიგში, 2 თებერვალს სურვილი უნდა ჩაიფიქროთ, უნდა იოცნებოთ, მოახდინოთ ვიზუალიზაცია და დეტალირება. წარმოიდგინეთ, რომ ეს სურვილები და ოცნებები უკვე ახდა, ჩაიძირეთ საკუთარ შეგრძნებებში, მათგან მაქსიმალური სიამოვნება მიიღეთ.
- აუცილებლად აპატიეთ ყველას, ვინც გაწყენინათ ან გაგაბრაზათ და გაუშვით ადამიანები, რომლებსაც თქვენგან წასვლა სურთ. თქვენ ახლა ზედმეტი არავინ და არაფერი გჭირდებათ. საკუთარი თავი წინა პლანზე დააყენეთ – ახლა თქვენზე მნიშვნელოვანი არავინაა.
- გაათავისუფლეთ ყველა ნეგატივი. იყავით გულწრფელნი თქვენს განზრახვებში: პატიება გულიდან უნდა მოდიოდეს.
- ამ დღეს არავითარ შემთხვევაში არ უნდა აყვეთ შურს, წყევლას და კონკურენციის გაწევას. დაეხმარეთ, მხარში დაუდექით, გააკეთეთ და გაიღეთ სიკეთე. თუ ეს თქვენს ძალებს აღემატება – წადით, თავი აარიდეთ, ნუ ჩაერევით.
02.02.2020 შეიძლება თქვენი ცხოვრების ამომავალი წერტილი გახდეს!
oxotv.ge
კომენტარები