ვანო მერაბიშვილის სკანდალური საქმის ახალი მონაწილეები – ირკვევა, რომ პროკურატურამ პარლამენტის მოქმედი თავმჯდომარე და პრემიერის მრჩეველი საქმიდან გააქრო. სასჯელაღსრულების სამინისტროს ყოფილი თანამშრომელი 2014 წელს მომხდარი კანონდარღვევის ახალ დეტალებს ყვება. ირაკლი კორძაია ამტკიცებს, რომ სოზარ სუბარი და არჩილ თალაკვაძე ინფორმირებულები იყვნენ ციხიდან ყოფილი პრემიერ მინისტრის გაყვანის შესახებ, მაგრამ გამოძიება ამ ფაქტით არც კი ადინტერესებულა.
ირაკლი კორძაია დეტალურად ყვება რა ხდებოდა 2014 წლის დეკემბერში სასჯელაღსრილების სამინისტროში ანუ მაშინ, როცა ცნობილი გახდა, რომ მოხდა ე.წ მატროსოვის ციხიდან ვანო მერაბიშვილის გაყვანა და ამაში მონაწილეობდა იმდროინდელი გენერალური პროკურორი ოთარ ფარცხალაძე და სასჯელაღსრულების დეპარტამენტის ხელმძღვანელი. კორძაია იხსენებს რა შეხვედრები მიმდინარეობდა მინისტრის ოთახში და როგორ ხდებოდა ამ საქმის ჩაფარცხვა. ამაში კი მონაწილეობდნენ სოზარ სუბარი და არჩილ თალაკვაძე.
კორძაია ამტკიცებს, რომ პროკურატურას მისცა ჩვენება და არჩილ თალაკვაძე ვანო მერაბიშვილის საკნიდან გაყვანის საქმეზე ამხილა. მისი ინფორმაციით თალაკვაძე მაშინ სასჯელაღსრულების მინისტრის მოადგილე იყო, სოციალურ მიმართულებას ხელმძღვანელობდა და პატიმართა გადაადგილების შესახებ ინფორმაციას ფლობდა.
“ყველაფერი დეტალურად მოვყევი. მათ შორის ბუნებრივია სოზარ სუბარის შემხებლობა და დღევანდელი პარლამენტის თავმჯდომარის შემხებლობა, რომელიც მაშინ მინისტრის მოადგილე იყო. პატიმრების გაყვანა საპატიმროდან მინისტრის მოადგილის გარეშე, რომელიც სოციალურ მიმართულებას ხელმძღვანელობდა არ ხდებოდა.” – აცხადებს კორძაია.
მისი თქმით, თალაკვაძე ყველა იმ შეხვედრაში მონაწილეობდა სადაც ყოფილი პრემიერის საკნიდან გაყვანის საქმე გვარდებოდა . კორძაიას ინფორმმაციით, იმ დროს მინისტრ სოზარ სუბარის კაბინეტში თანხმდებოდა რა ინფორმაცია უნდა მიეწოდებინათ მედიისთვის
“არჩილიც მონაწილეობდა ამ შეხვედრებში. დიმიტრი დარბაისელი როცა მოიოდა უშუალოდ სამინისტროში დეპარტამენტიდან, მინისტრის კაბინეტში ხდებოდა ეს შეხვედრები და იქ ბუნებრივი იგეგმებოდა ქმედებები თუ როგორ უნდა მომხდარიყო მედიის მოგერიება” – აცხადებს ირაკლი კორძაია.
კორძაიამ ამ შინაარსის ჩვენება უფრო მეტი დეტალით პროკურატურას 2018 წლის დეკემბერში მისცა, თუმცა ხელმძღვანელების მხილების მიუხედავად საგამოძიებო უწყება საქმის ახალი ფიგურანტებით არ დაინტერესებულა. არც სოზარ სუბარი და არც არჩილ თალაკვაძე მერაბიშვილის საკნიდან გაყვანის საქმეზე ამ დრომდე არ დაუკითხავთ.
cyc.ge
კომენტარები