დაავადებათა კონტროლის ეროვნული ცენტრის ხელმძღვანელი, ამირან გამყრელიძე:
“გაზაფხულზე ჩვენც ნაკლები ვიცოდით ვირუსის ქცევის შესახებ. ძირითადად ყველა ქვეყანა იყენებდა ძლიერ შემზღუდავ ღონისძიებებს, დღეს ჩვენ გავითავისეთ, რომ კორონავირუსულ ინფექციას ერთ და ორი დღეში ვერ გავაქრობთ, ვერც ორ თვეში და ვერც, შეიძლება, ერთ წელიწადში. ამიტომ უნდა ვისწავლოთ თანაცხოვრება კორონავირუსთან. შესაბამისად, ფართომასშტაბიანი შემზღუდავი ღონისძიებები, მათ შორის თბილისში, არ იგეგმება. იქ, სადაც იქნება საჭიროება ე.წ. წერტილოვანი დარტყმები და წერტილოვანი შეზღუდვები, როგორც არის მაგალითად კლასი. სკოლაში თუ გაჩნდა ერთი ბავშვი ინფიცირებული, კლასი შეწყვეტს სწავლას და ბავშვები გადავლენ თვითიზოლაციაში. თუ სკოლაში იქნა რამდენიმე ან ბევრი შემთხვევა, შეიძლება დაისვას საკითხი იმ სკოლის დროებით დახურვის, მაგრამ არა მთლიანად სწავლის. ასეთი ტიპის შეზღუდვები შესაძლებელია, მაგრამ არ იგეგმება დიდი, ფართომასშტაბიანი შეზღუდვები, მათ შორის დედაქალაქში. ჩვენ უნდა ვმართოთ პროცესი ერთად. სახელმწიფომ, ჩვენ – ექიმებმა, დამსაქმებლებმა და თქვენ საზოგადოებამ. ჩვენ ერთმანეთს ხელი უნდა შევუწყოთ, რომ პროცესი ვმართოთ, ეკონომიკა განვითარდეს”
ხან კობახიძე გვთხოვს, ლარს ხელი შეუწყვეთო, ხან ამირან გამყრელიძე გვთხოვს ეკონომიკა გავარჩინოთო.
კოვიდი ჩვენ გავაჩეროთ, ლარს ხელი შევუწყოთ, ეკონომიკა ჩვენ განვავითაროთ, სახლი ჩვენ ავაშენოთ, ხე ჩვენ დავრგოთ – რატომ გიხადოთ, ბატონებო, ამდენ ჩინოვნიკებს, აბა, ფული? ამდენი ფული?
კომენტარები