საქართველოში კორონავირუსის 549 ახალი შემთხვევიდან უმრავლესობა აჭარაში გამოვლინდა.
549 ახალი შემთხვევიდან, რეგიონების მიხედვით ასე ნაწილდება: კვლავ ლიდერობს აჭარა, სადაც დღეს არის 348 შემთხვევა, თბილისში – 99 , იმერეთში – 59, სამეგრელო-ზემო სვანეთი – 19 ,მცხეთა – მთიანეთში – 10.
დანარჩენ რეგიონებში ერთეული შემთხვევებია და ასევე გამოჩნდა რაჭა-ლეჩხუმის 1 შემთხვევა.
ამ დროისთვის ქვეყანაში კორონავირუსის 9245 შემთხვევაა დადასტურებული, გამოჯანმრთელებულია 4887 ადამიანი. უცხოეთიდან სამკურნალოდ გადმოყვანილია საქართველოს 41 მოქალაქე. გარდაიცვალა 58 პაციენტი.
“ალია” შეგახსენებთ, ქვეყნის მთავარი კლინიკა ისევ გადასახურია. გამოყოფილი თანხით, მხოლოდ დამიწება, ვენტილაცია და სხვა აუცილებელი პირობა მოგვარდა. რაც შეეხება სახურავს, შენობაც და სახურავიც “ავერსისაა”, შესაბამისად, ჯერ ისიც ვერ გაირკვა, სახელმწიფო აიღებს მის გადახურვას თავის თავზე, თუ “ავერსი”. პრემიერი გახარია ჯერ კიდევ პანდემიის დასაწყისში დაპირდა კლინიკას ახალ შენობას – თუმცა, ჯერ დანაპირები არ ჩანს.
“ალიამ” გადაწყვიტა, სანამ ინფექციური კლინიკა ამ დღეშია, კოვიდთან დაკავშირებული ყველა ახალი ამბავი, ინფექციურის ამ ფოტოთი გააშუქოს, მანამ, სანამ ეს პრობლემა არ მოგვარდება.
დღეს თბილისში წვიმს, რაც იმას ნიშნავს, რომ “ინფექციურშიც” წვიმს.
კომენტარები