“დამსხვრეული ოცნებების მთავრობა ფულისკეთების გარდა სხვა არაფერზე ფიქრობს და ამ ფონზე ქვეყანაში კრიმინოგენული მდგომარეობა დღითიდღე მძიმდება” – გიორგი ვაშაძე

„სტრატეგია აღმაშენებლის“ ლიდერის, გიორგი ვაშაძის შეფასებით, საქართველოში კატასტროფული კრიმინოგენული მდგომარეობა ყოველდღიურად მძიმდება. მისივე თქმით, გასულ წლებთან შედარებით კრიმინალის დონე გაორმაგდა და რაც ყველაზე საგანგაშოა გაზრდილია გაუხსნელ დანაშაულთა სტატისტიკა, ამასთან, სასამართლო და სამართალდამცავი ორგანოები პოლიტიკურ დაკვეთებს ასრულებენ. პოლიტიკურ ლიდერს მიაჩნია, რომ დამსხვრეული ოცნებების მთავრობა ფულისკეთების გარდა სხვა არაფერზე ფიქრობს. ვაშაძე საზოგადოებას სასამართლოსა და სამართალდამცავი ორგანოების რეფორმირების მოდელს სთავაზობს, რაც დამოუკიდებელ და მიუკერძოებელ სასამართლოს  გულისხმობს.

„გასულ წლებთან შედარებით კრიმინალის დონე გაორმაგდა და რაც ყველაზე საგანგაშოა გაზრდილია გაუხსნელ დანაშაულთა სტატისტიკა, მხოლოდ გასული წლის მონაცემებით ეს მაჩვენებელი 41.000 ერთეულ შემთხვევას აღემატება, რაც ნიშნავს რომ ყოველი სამი კრიმინალიდან ორი თავისუფლად დადის ჩვენს ქუჩებში. სწორედ ამიტომ, სტრატეგია აღმაშენებელს აქვს სასამართლოსა და სამართალდამცავი ორგანოების რეფორმირების მოდელი, რაც გულისხმობს დამოუკიდებელ და მიუკერძოებელ სასამართლოს; აშშ-სა და დიდი ბრიტანეთიდან მოწვეულ უცხოელ მოსამართლეებს და ამერიკული მოდელის დეპოლიტიზებულ პოლიციას, ხოლო ყველა პოლიციელისთვის კარიერული განვითარებისა და სახელფასო ზრდის სისტემას, არანაკლებ დამატებითი 500 ლარის ოდენობით,“ – აცხადებს გიორგი ვაშაძე.