გურჯაანის მუნიციპალიტეტის სოფელ ველისციხის N14 საუბნო საარჩევნო კომისიამ ერთ- ერთი წევრის, კოვიდ- 19-ით ინფიცირების ფაქტის გამო მუშაობა შეაჩერა. ინფორმაციას knews.ge ავრცელებს.
გურჯაანის საოლქო საარჩევნო კომისიის თავმჯდომარის, მაია ჩუთლაშვილის განმარტებით, კომისიის ყველა წევრი თვითიზოლაციაში გადავიდა.
“კომისიის მუშაობა სრულადაა შეჩერებული. ველოდებით რეკომენდაციას ცესკოდან, რადგან წინასაარჩევნო პერიოდში კომისიის გარეშე უბანი ვერ იქნება. ამიტომ რა ზომებს უნდა მივმართოთ ექსტრემალურ სიტუაციაში გვეტყვიან”
რამდენ კომისიას შეიძლება მსგავსი რამ დაემართოს, ამას წინასწარ ვერავინ განსჭვრეტს. რა რეგულაციებს შეიმუშავებს ჯანდაცვის სამინისტრო მსგავსი შემთხვევებისთვის დამატებით – ჯერ არც ესაა ცნობილი, არათუ ჩვენთვის, კომისიის წევრებმაც კი არ იციან.
ფაქტი ერთია, კომისიის გარეშე უბანი ვერ იქნება და კომისიის წევრები უნდა გადავიდნენ იზოლაციაშია – არსებობს უკვე ასეთი რეგულაცია, მეტიც, დღეს ამირან გამყრელიძემ გვითხრა, რომ ინფიცირებულთან შემხებლობაში მყოფი ყველა პირი, ტესტირების გარეშე, დაუყოვნებლივ გადადის კარანტინში, ან თვითიზოლაციაში 14 დღიღ – შესაბამისად, სრულად უნდა შეიცვალოს კომისიის წევრები, მინიმუმ 14 დღით. აქვს თუ არა ცესკოს ამის საშუალება საჭირო შემთხვევაში ბევრ უბანზე შეცვალოს კომისიის წევრები და გათვალისწინებული აქვს თუ არა, კომისიის წევრების კარანტინში გადაყვანის შემთხვევაში, როგორ ამუშაოს უბანი – ეს სულ მალე გამოჩნდება.
კომენტარები