“ყველაფერს იკადრებთ, ოღონდ მთავრობაში დარჩეთ და ესაა ყველაზე საშიში”

მწერალი, ალექსანდრე პაიკიძე, სოციალურ ქსელში, წერს:

“საქართველოს მთავრობა ბოლო შვიდ თვეში, თქვენს მიერ გატარებული ეკონომიკური პოლიტიკა ( ხმამაღალი ნათქვამია, უბრალოდ სხვა ვერაფერი მოვიფიქრე) არის ქვეყნის ინტერესების და მისი მომავალის წინააღმდეგ მიმართული კამპანია.

ამას კი ორი მიზეზი შეიძლება ქონდეს.

1- მიზანმიმართული საბოტაჟი ქვეყნის და მისი მოქალაქეების ინტერესების წინააღმდეგ.

2-სრული არაპროფესიონალიზმი და უცოდინარობა.

მძიმე არჩევანი გაქვთ, პირველი ხართ თუ მეორე?

მე, ოთხი შვილის მამა, საქართველოს მოქალაქე, რომელიც თქვენი დამღუპველი ქმედებების მსხვერპლი ვარ, სრული პასუხისმგებლობით ვაცხადებ – ბოლო შვიდი თვის განმავლობაში, თქვენს მიერ გატარებული ყველა ქმედება იყო მოღალატეობრივი და მხოლოდ თქვენს პირად ინტერესებს ემსახურებოდა!!!

თქვენ ხართ ხელისუფლება, რომელმაც 1 მილიონიან სოციალურად დაუცველთა არმიას, ნახევარ მილიონინი უმუშევართა არმია დაუმატეთ.

თქვენ ხართ ხელისუფლება, ვინც ქვეყანა დეფოლტამდე მიიყვანეთ.

თქვენ ხართ ხელისუფლება, ვინც პირდაპირ ებრძვის კერძო სექტორს.

თქვენ ხართ ხელისუფლება ვინც გეგმაზომიერად ანადგურებს განათლებას!

და ბოლოს – თქვენ ხართ ხელისუფლება, რომელიც ყველაფერზე წავა და იკადრებს, ოღონდ მთავრობაში დარჩეს და ესაა ყველაზე საშიში.”