“სტრატეგია აღმაშენებლის” ლიდერი გიორგი ვაშაძე ქუთაისში მერობის კანდიდატს წარადგენს. ქალაქის მერობის კანდიდატი პარტიიდან ანდრო ლოსაბერიძე იქნება. ვაშაძემ საუბრისას ყურადღება ქვეყანაში არსებულ მდგომარეობაზეც გაამახვილა და აღნიშნა, რომ საქართველოს 220 000-მა მოქალაქემ სამუშაო ადგილი დაკარგა, ამ ყველაფრის ფონზე კი ადამიანებს მაღალ პროცენტიანი სესხების გადახდა უწევთ. სიტყვით გამოსვლისას გიორგი ვაშაძემ იმ სტრატეგიებზე ისაუბრა რაც პარტიას ჯერ კიდევ გასული წლიდან ჰქონდა შემუშავებული. ოპოზიციონერი ლიდერის თქმით არჩევნების შემდეგ როდესაც ქვეყნის პრემიერ მინისტრი გახდება ქვეყანაში 300 000-მდე სამუშაო ადგილები შეიქმნება.
„სტრატეგია აღმაშენებლის“გუნდი არის გუნდი, რომელიც ქვეყანას აღმშენებლობას და საქმის კეთებას სთავაზობს. ჩვენ გვაქვს ქუთაისის და იმერეთის განვითარების გეგმა და ქუთაისს მინდა წავუდგინო ღირსეული კანდიდატი ანდრო ლოსაბერიძე, ახალგაზრდა მშრომელი ადამიანი განათლებით ინჟინერ-ეკონომისტი, რომელსაც აქვს ამერიკული განათლება მიღებული რედ კორპორაციის მიერ გაკეთებული პროექტებიდან გამომდინარე, აქვს დიდი გამოცდილება მშენებლობის და მთელი ქუთაისი არის ამის მაგალითი, რომლის რეაბილიტაციაც სამწუხაროდ გააჩერეს და არის ჩვენი მძლავრი თანაგუნდელი, რომელთან ერთადაც ჩვენ აუცილებლად დავიწყებთ აღმშენებლობის პროცესს ქუთაისიდან და იმერეთიდან.ანდრო ლოსაბერიძეა ის ადმიანი, რომელიც ყველა ქუთაისელს და ყველა ადამიანს დაუდგება გვერდში და სრულიად სხვა პერსპექტივას მისცემს ჩვენს ახალგაზრდა, პროფესიონალ გუნდთან ერთად ამ ქალაქს. ჩვენ გვაქვს ძალიან პრინციპული არჩევნები 31 ოქტომბერს, საქართველოს თითოეულმა მოქალაქემ უნდა გადაწყვიტოს ჭაობი თუ განვითარება, ფუქსავატობა თუ წინსვლა, უპერსპექტიობა, მუდმივი ტყუილი თუ დღედაღამე მუშაობა და ხალხის კეთილდღეობა და რაც მთავარია ეს არის რეფერენდუმი პროდასავლური, ძლიერი სახელმწიფო თუ რუსული ჰიბრიდული ომის ყველაზე დიდი იარაღის, „ქართული ოცნების“ მიერ ნამართავი საქართველო, რომელსაც კავშირი არ აქვს. დარწმუნებული ვარ, რომ აღმშენებლობით ქუთაისიდან კვლავ გავაერთიანებთ საქართველოს, გავაძლიერებთ და იქნება საქართველო რეგიონის ლიდერი სახელმწიფო, რომლის მოქალაქეებიც იამაყებენ და ხმამაღლა იტყვიან მთელს მსოფლიოში „ მე საქართველოს მოქალაქე ვარ და მეამაყება ჩემი ქვეყნის მოქალაქეობა“ – გიორგი ვაშაძე
კომენტარები