“ლელოს” თავმჯდომარის თქმით, თუ ქვეყანაში ძლიერი საშულო ფენა არ შეიქმნა, ჩვენ უნდა დავივიწყოთ ეკონომიკური ზრდა, სტაბილურობა და სამუშაო ადგილები.
“ქვეყანა იმიტომ არ და ვერ მიდის წინ, რომ არ ჰყავს ძლიერი საშუალო ფენა. დღევანდელი მონაცემით, 3.7 მლნ. მოსახლიდან მხოლოდ 64000 აქვს 3000 ლარი და მეტი შემოსავალი თვეში. ეს არის მთელი მოსხლეობის 1.5%, რაც ძალიან ცოტაა. ჩვენი ნომერ პირველი ამოცანაა, შეიქნას ძლიერი საშუალო ფენა და ჩვენი მიზანია, ამ 64000 ადამიანის მსგავსად, სხვებსაც ჰქონდეთ ამდენივე შემოსავალი, ჩვენ უნდა გავაათმაგოთ ეს რიცხვი და გავხადოთ 600 000. ამას “ლელო” მოახერხებს 4 წელში. ეს არ არის დაპირება, ეს არის რელობა, ვინც ჩვენს პროგრამას იცნობს, იცის, რაზეც ვლაპარაკობთ. ჩვენ თუ არ შევქმენით კაპიტალის ბაზარი, რომელზეც ხელმისაწვდომობა ექნება ყველას, მცირე და საშუალო ბიზნესს, თუ არ შევქმენით ფინანსური და ლოჯისტიკური მიზიდულობის ცენტრი, რაც დღეს გაჩერებულია, ვერ წავიწევთ წინ და ვერ განვვითარდებით ეკონომიკურად,”-აცხადებს მამუკა ხაზარაძე.
მისი შეფასებით, “ლელო” ის ახალი ძალაა, რომელსაც შეწევს უნარი, ქვეყნის კეთილდღეობაზე იზრუნოს და ზრუნვა მხოლოდ ლოზუნგებით არ შემოიფარგლოს.
“მე და “ლელოს” გუნდმა ვიცით, როგორ შევქმნათ სამუშაო ადგილები, მე და “ლელოს” გუნდმა ვიცით, როგორ ვაშოვნინოთ ხალხს ფული, ყველაზე მარტივი ენით რომ ვთქვათ. გამიკეთებია და შემიქმნია სამუშაო ადგილები და წარმატებული კომპანიები, სადაც 10 000-ზე მეტი ადამიანი გვყავს დასაქმებული. თამამად შემიძლია გითხრათ, რომ ყველაზე მზარდი პარტია ვართ, წინა კვირას მე დავაანონსე, რომ ჩვენ 70 000 მხარდამჭერი გვყავდა, დღეს უკვე 80 000 რეგისტრირებული მხარდამჭერი გვაყვს და პარტიის წევრი, აქ არ არის ლაპარაკი ამომრჩეველზე, ესენი არიან პარტიის რეგისტრირებული მხარდამჭერები, ადამიანები, რომლებიც უერთდებიან “ლელოს”. უპრეცედენტოდ მოკლე დროში ჩვენ შევქმენით პარტია, დავაკომპლექტეთ საუკეთესო გუნდით, პროფესიონალებით, შევქმენით საუკეთესო პროგრამ, მოქმედების გეგმაბდა არა ლოზუნგები. ეს ყველაფერი მაძლევს იმედს და საუბრის საშუალებას, რომ რასაც მოსახლეობას ვპირდებით, ყველაფერს პირნათლად შევასრულებთ,”- აღნიშნა მამუკა ხაზარაძემ.
“ლელოს” ლიდერმა პარტიის შიდა კვლევებსაც გაუსვა ხაზი და აღნიშნა, რომ შიდა კვლევებით, რომელსაც საზოგადოებას გააცნობენ, “ლელო” ორნიშნა ციფრზეა ასული. პარტიის ამოცანად კი კვლავ რჩება ამომრჩევლამდე მათი გეგმის მიტანა, რომელიც ძირეულად შეცვლის ქვეყნის ცხოვრებას ყველა სფეროში.
კომენტარები