“ექიმი ვარ და ბათუმში ვირუსს ვერ აღვიქვამ! – რატომ იზღუდება თავშეყრა?” – აჩი მეფარიძე

„ტვ პირველის“ გადაცემა „რეაქციაში“ პროფესიით ექიმი, მომღერალი აჩი მეფარიძე ვირუსზე და შეზღუდვებზე საუბრობდა: 

„ჩემი პირადი და მაყურებლების დამოკიდებულება ასეთია: ახალგაზრდებს ვერ ეტყვი, რომ სადღაც არ შევიდნენ, რომ იქ ღობეა – ისინი ამ ღობეს გადაანგრევენ.

ყველგან არის დეზინფექციის ხსნარები, რაც შეეხება სოციალურ დისტანციას, არსად არ არის დაცული, არა თუ ბათუმში, არამედ – არც აფთიაქში და არც ქუჩაში, არსად!

რაშია საქმე? როგორ უნ და დაიცვან ადამიანებმა თავი, არ უნდა წავიდნენ კლუბში, ან ცალ-ცალკე უნდა იარონ?

ვხედავთ, რომ არც ტაძარში და არც ღამის კლუბებში ვირუსისგან არაფერი გამოწვეულა – რატომ უნდა შეიზღუდოს თავშეყრა?

ექიმი ვარ და იქ, ბათუმში ვირუსს ვერ აღვიქვამ!“