თურქეთის ერთ-ერთ კლინიკაში ცოტნე გამსახურდიას მონახულება ცოლმა, ანა ჯაბაურმა შეძლო. ამის შესახებ ოჯახის დადვოკატმა განაცხადა.
„ანა ჯაბაური თურქეთის დროს 21:00 საათზე მივიდა ჰოსპიტალში, ინახულა ცოტნე და გაეცნო მის სამედიცინო დოკუმენტაციას, ხვალ დილით ისევ მიდის ჰოსპიტალში, გეგმავს რომ დაამუშაოს სამედიცინო ისტორია და და საზოგადოებას გააცნოს. ცოტნე გამსახურდია ჯერაც კომაშია“, – განაცხადა ადვოკატმა.
28 იანვარს ჯაბა კვარაცხელიამ ინფორმაცია გაავრცელა, რომ საქართველოს პირველი პრეზიდენტის ვაჟი, დედას, მანანა არჩვაძეს კლინიკაში სრულ იზოლაციაში ჰყავდა.
28 იანვარს ანა ჯაბაურმა თურქეთის სასამართლოს მიმართა. ცოტნე გამსახურდიას ცოლი მოითხოვდა, რომ მისცემოდა ქმრის მონახულების უფლება. გუშინვე გაიგზავნა თურქეთში საქართველოდან სოციალური მომსახურების სააგენტოს მიერ დაწერილი წერილი, რომელიც ადასტურებს, რომ ანა ჯაბაურიცოტნე გამსახურდიას მოქმედი მხარდამჭერია.
შეგახსენებთ, ცოტნე გამსახურდია 19 დეკემბერს თბილისში, გალის ქუჩაზე დაჭრეს. დამამძიმებელ გარემოებაში ჯგუფურად ჩადენილი განზრახ მკვლელობის მცდელობის ბრალდებით სისხლისსამართლებრივ პასუხისგებაშია მიცემული 2 პირი, 3-ს კი ბრალად დანაშაულის შეუტყობინებლობა ედება.
პრაიმტაიმი
კომენტარები