“იმ მზესუმზირებზე, მთაზე და შატილზე შეყვარებული, სიცოცხლით სავსე ახალგაზრდები მიკროავტობუსით ხევსურეთის გზიდან გადავარდნენ” – რას წერს ადგილობრივი ხევსურეთის ავარიაში დაღუპულებზე.
დუშეთის რაიონში მომხდარ საშინელ ავარიას 17 ადამიანის სიცოცხლე ემსხვერპლა. ბოლო ინფორმაციით, გადარჩენილი სამი ადამიანი თბილისში, კლინიკაში არიან მოთავსებულები და მათი ჯანმრთელობის მდგომარეობა მძიმეა. ერთ-ერთი ადგილობრივი მცხოვრები ექსკურსიის მონაწილეებზე სოციალურ ქსელში წერს.
“დღეს მეგობარმა მომწერა:
ვიღაცა იძახდა,
გავხედე და
ახალგაზრდა გოგოები შემრჩნენ ხელშიო.
შენს მზესუმზირებზე მითხრეს ვიყიდითო –
მეთქი გაატანე თუ ეს ბედნიერს გახდით,
გამიხარდება – მეთქი.
მეგობარმა, მეც ვუთხარი,
თუ ძაან გულით გინდათ წაიღეთთქო.
ერთი წავიდა მოსაწყვეტად.
მეორემ ფული მომიტანა და
არ გამოვართვიო.
რამდენიმე საათში კიდევ სხვა მოვიდა,
ზუსტად იგივე სურვილითო…
ახლა კი ვიგებ რომ,
ის ბავშვები,
იმ მზესუმზირებზე,
მთაზე და
შატილზე შეყვარებული,
სიცოცხლით სავსე ახალგაზრდები
მიკროავტობუსით
ხევსურეთის გზიდან გადავარდნენ..
ამ წუთების მდგომარეობა ასეთია –
17 გარდაცვლილი და
3 მძიმედ დაშავებული..
საშინელი ტრაგედიაა..
საშინელი..
ვწუხვარ და ვიზიარებ
მათი ოჯახების ტკივილს…” – წერს მარგარეტ დაიაური
კომენტარები