(ვიდეო) – “ამირხანაშვილი და შაქარაშვილი ერთად იმალებოდნენ” – რას ჰყვება ბრალდებულის მამა?

შაქარაშვილის საქმეში ბრალდებული არასრუწლოვნის, ზ.ხ.-ს მამა, თამაზ ხომასურიძე, “მთავარ არხზე” ჰყვება, რომ წყაროზე დაყრდნობით, აქვს ინფორმაცია, გურამ ამირხანაშვილი და გიორგი შაქარაშვილი ერთად იმალებოდნენ ფერადი შენობის უკან და სწორედ იმიტომ გადაწვეს ის ტერიტორია, რომ იქ შეიძლებოდა დნმ-ის პოვნა.

თამაზ ხომასურიძე ითხოვს მისი არასრუწლოვანი შვილი გაატარონ სიცრუის დეტექტორზე და ითხოვს, რომ სიცრუის დეტექტორზე შემოწმების ჩანაწერი გავიდეს პირდაპირ ეთერში.

იგი საუბრობს პროკურატურის ბრიფინგზეც და სვამს კითხვას – მისი შვილი თუ დაედევნა გიორგი შაქარაშვილს, იგივე დროს, ასევე იგივე პიროვნება (ზ.ხ.) როგორ ესაუბრებოდა ამირხანაშვილს?

თამაზი ამბობს, რომ მისი შვილი იყო ნასვამი და “დაბოლილი” და ამ მდგომარეობაში, ნამდვილად ვერ განსაზღვრავდა საით გაიქცეოდა შაქარაშვილი, რომ მისთვის გზა მოეჭრა და წინ დახვედროდა.

თამაზ ხომასურიძე საუბრობს მირიან ნიკოლაძეზეც და ამბობს, რომ იგი “იცავდა ნარკობარიგებს, რომლებსაც ათასობით შაქარაშვილი ჰყავთ დაღუპული”