“ეს არის ახალი ეკლესია. ბიძინამაც ვერ გაიგო ეს ჯერ” – ლევან სუთიძე

ტაბულას მთავარი რედაქტორი, ლევან სუთიძე, სოციალურ ქსელში, წერს:

არ არის საჭირო ეს ფანტაზიორობა და ჰაერში ქსოვა. რამდენიმე კვირის წინ ურბნელმა მიტროპოლიტმა იობმა წარმოთქვა ქადაგება იოსებ კათალიკოსზე, აქ არის ციტატა:

“როდესაც იოსებ კათალიკოსი გადააყენეს კათალიკოს-პატრიარქის ტახტიდან, მან ეს მორჩილებით მიიღო” – ეს არის თქვა აქ:

“დღეს ჩვენ ვიხსენებთ იოსებ კათალიკოსს, რომელიც იყო ბავშვობიდან შეწირული უფლისადმი, ნამდვილად უწმინდესი ადამიანი და თქვენ წარმოიდგინეთ, რომ მან კამათი ან თავის მართლება კი არ დაიწყო, როდესაც ის გადააყენეს კათალიკოს-პატრიარქის ტახტიდან, არამედ მან მშვიდად მიიღო ეს გადაწყვეტილება. მოგვიანებით იგი ისევ მღვდელმთავრად დანიშნეს იმავე ეპარქიაში, სადაც მანამდე იყო დადგენილი, თუმცა მან ამაზეც უარი თქვა. კამათი და შფოთი რომ არ შექმნილიყო ეკლესიაში, მშვიდად წავიდა, მეტიც, უბრალო ბერად წავიდა და განმარტოვდა”.

რატომ არის ეს საგულისხმო:

მიტროპოლიტი იობი გახლდათ საპატრიარქო კანდიდატი. ძლიერი. მიიღო 9 ხმა. მეუგე გრიგოლმა მიიღო 7 ხმა. გაუქმდა 1.

მეუფე შიომ მიიღო 22 ხმა.

პირველი ტურის შემდეგ გამარჯვებული თითქმის ცნობილი იყო, მაგრამ 17 ხმა მაინც ვერ მიიღო მოქმედმა პატრიარქმა. სუსტი უმრავლესობით გახდა პატრიარქი.

რაც ნიშნავს, რომ ურბნელ მიტროპოლიტს ჰყავს მხარდამჭერები. ძლიერი პოზიცია აქვს.

ილია მეორე აღარ მართავს ეკლესიას, რომელიც ცხრა სინოდზე ავტორიტეტული იყო და შეეძლო ემართა იმპერატორივით.

მაგრამ ახლა მართავს კათალიკოზი შიო მესამე და მართავს ურთულეს ეპისკოპატს, სადაც ძალაუფლება, კაცმა რომ თქვას, ბუნებრივად არის დაბალანსებული გარდასული პატრიარქის შემდეგ – ამ ეტაპზე მაინც.

მიტროპოლიტი იობის სიტყვებში მრავალმა ამოიკითხა ის სურვილი, რომელიც მას არჩევნების შედეგების გამოცხადებისას თვალებზე ეტყობოდა. ანუ, ბევრმა წაიკითხა ეს ისე, თითქოს მას სურდა პატრუარქის გადაყენება, ან უშვებდა ასეთ შესაძლებლობას.

ბუნებრივია, ეს დიდი ილუზია იქნებოდა მისი მხრიდან.

მყარი პოზიცია კი აქვს, მაგრამ პროცესს ვერ გაჭედავს, უმრავლესობა მაინც მოქმედ პატრიარქს აქვს.

საპატრიარქო ურბნელი მიტროპოლიტის გაბრაზებას ასევე ერიდება და თან წითელ ხაზს ავლებს ბიძინასთან:

ეპისკოპოსის გინება შენი საქმე არ არის, სანამ ეპისკოპოსია.

ეს არის ახალი ეკლესია, მეგობრებო.

ბიძინამაც ვერ გაიგო ეს ჯერ, რომ მარტო პატრიარქთან დალაგება საქმეს არ უშველის. ძალაუფლება ძველებური აღარ არის და ვეღარ იქნება დიდი ხანი, თუ იქნა ძველებური კიდევ ოდესმე.

იმედს ჰგონია რომ მეუფე იობი არის უბრალოდ მეუფე იობი – ამიტომ ატატყანდნენ. ეს ილიას დროს არ ჰქონდათ წონა, თორემ აწი ნახეთ, რაც მეტად გააბრაზებთ, მით უფრო ძვირი დაგიჯდებათ ))