ირაკლი ღარიბაშვილის ადვოკატი არ გამორიცხავს, რომ დავით გარეჯის თემაზე ექს-პრემიერმა მეტი სასამართლო პროცესზე თქვას.
ლილი გელაშვილის თქმით, ირაკლი ღარიბაშვილმა რიგით მეცხრე წერილი მის წინააღმდეგ აგორებული კამპანიის საპასუხიდ გაავრცელა.
თითქოსდა, ის ქვეყნის დამაქცეველი იყო, ის იყო კურუფციონერი ახლა კი დამთავრდა, გაიმარჯვეს და ქვეყანაში აღარ არსებობს კუროფცია – აი, ესეთი ნარატივები გვესმის, გვესმის, რომ აი, ჯარი გაძარცვა – ამას უპასუხა თვითონ. დანარჩენმა, ვინ რა გააკეთა თუ არ გააკეთა სხვამ გასცეს პასუხი.
დავით გარეჯის საკითზე რა თქმა უნდა, ბევრი ინფორმაცია აქვს. თავდაცვის მინისტრი იყო და არამარტო, ის იყო პრემიერ-მინისტრი და ძალიან ბევრიც გააკეთა და ამიტომ, რა თქმა უნდა, გული შესტკივა, როცა რაღაცა კითხვები ისმევა, როცა რაღაც არ ჩანს კარგად.
მედიიდან იგებს, რომ რაღაც პრეტენზიებია გამოთქმული ამ საკითხთან დაკავშირებით, რომ დაიგნორირებულია. რა თქმა უნდა, ბევრი რამ იცის, ამაზე ხომ ორი აზრი არ არსებობს.
ღარიბაშვილი თვითონ იღებს გადაწყვეტილებას, მან ერთხელ უკვე აღნიშნა, რომ ჩემი წერილები ყოველთვის იქნება სარკისებური ეფექტისო, ეს კარგად მოგეხსენებათ რას ნიშნავს”- თქვა ადვოკატმა.
ირაკლი კობახიძემ ყოფილი პრემიერის ირაკლი ღარიბაშვილის მიერ გამოქვეყნებულ ახალ წერილში დავით-გარეჯთან დაკავშირებით გაკეთებულ განცხადებას დღეს უპასუხა და თქვა:
“ეტყობა, მოაგვარა და მე გამომრჩა რამე”
ცნობისთვის, ღარიბაშვილმა ბოლო წერილით განაცხადა:
აქვე მინდა გავიხსენო დავით გარეჯის საკითხი. ჩემი თავდაცვის მინისტრობის დროს განვაახლეთ მუშაობა ამ მიმართულებით.მინდა, საზოგადოებამ იცოდეს, რომ ჯერ კიდევ წლების წინ, ჩემი პირველი პრემიერ-მინისტრობის დროს, გვქონდა მცდელობა, მოგვეპოვებინა ორიგინალი რუკები, რაც აუცილებელი იყო მოლაპარაკებებში საქართველოს პოზიციების გასაძლიერებლად.
2020 წლამდე ქვეყანაში სამი პრემიერ-მინისტრი, ორი თავდაცვის მინისტრი და სამი შინაგან საქმეთა მინისტრი შეიცვალა. სამწუხაროდ, დავით გარეჯთან დაკავშირებით არაფერი გაკეთებულა. პირიქით, სიტუაცია გაუარესდა.ჩემი კოორდინაციით თავდაცვის სამინისტროში შეიქმნა სამუშაო ჯგუფი. აღვადგინეთ სრული სურათი, შევისწავლეთ წარსულში დაშვებული დანაშაულებრივი ქმედებები. გაირკვა, რომ ის ადამიანები, რომლებიც სააკაშვილის დროს მიღებული გადაწყვეტილებების საფუძველზე არასწორი რუკების გამოყენებით საქართველოს საზღვრის გამრუდებას ცდილობდნენ, კვლავ სახელმწიფო კომისიის წევრები იყვნენ.მალევე თავდაცვის სამინისტროს კარტოგრაფიის დეპარტამენტის პროფესიონალების მიერ მომზადებული კონკრეტული ხედვა, მოსაზრებები და გამოსავლის გზები წარვუდგინე პარტიის დამფუძნებელს, ბიძინა ივანიშვილს, რომლის ძალისხმევის შედეგად შესაძლებელი გახდა დავით ხიდაშელის მიერ რუკების დედნების თბილისში ჩამოტანა. ასევე განხორციელდა სამართლებრივი რეაგირება – დაიწყო გამოძიება.შედეგად, მნიშვნელოვნად გაძლიერდა სახელმწიფოს პოზიციები. ამის თაობაზე სრულად ინფორმირებული იყო საქართველოს საპატრიარქო და პირველივე დღიდან პროცესში ჩართული იყო დავით გარეჯის მონასტრის არქიმანდრიტი კირიონი (მისი ინიციატივითა და შთაგონებით დავიწყე მუშაობა დავით გარეჯის საკითხზე ჩემი პირველი პრემიერ-მინისტრობის დროს და მასთან ერთად განვაახლე პროცესი თავდაცვის მინისტრად დაბრუნებისთანავე).ჩემი გადაწყვეტილებით განახლდა სახელმწიფო კომისიაც, რომლის შემადგენლობაშიც შევიყვანეთ ახალი წევრები – პატრიოტი პროფესიონალები.სასამართლო პროცესი 2023 წლის ბოლომდე გრძელდებოდა. ასევე შერჩეული გვყავდა საერთაშორისო საკონსულტაციო კომპანიები, რომლებიც სამართლებრივ საკითხებში დაგვეხმარებოდნენ.
აზერბაიჯანი ჩვენი მეგობარი, სტრატეგიული პარტნიორი და მეზობელი სახელმწიფოა. იმედი მაქვს, სწორედ ამ სულისკვეთებით გაგრძელდება მოლაპარაკებები და სამართლიანად გადაწყდება დავით გარეჯის საკითხი.
კომენტარები