,, ირაკლის თუ სტკივა, მეც მტკივა” – ლუკა კურტანიძე ღარიბაშვილის პროცესის შემდეგ

„ქართული ოცნების“ ყოფილი დეპუტატი, სპორტსმენი ლუკა კურტანიძე თბილისის საქალაქო სასამართლოში ყოფილი პრემიერ-მინისტრის, ირაკლი ღარიბაშვილის საქმის განხილვას ესწრებოდა. მან ჟურნალისტებთან განაცხადა:

„სახელმწიფო ინსტიტუტები მუშაობენ და შესაბამისი გადაწყვეტილება იქნება მიღებული, მაგრამ რაც ყველაზე მთავარი არის, ირაკლის თუ სტკივა, მეც მტკივა და ჩემს უკან ასიათასობით თანამებრძოლია, რომლებმაც ირაკლისთან ერთად დაამარცხეს „ნაცმოძრაობა“, 2012 წლიდან თითოეული თანამებრძოლის დამსახურებაა ის, რომ დღეს, საქართველოში სიმშვიდეა. თქვენ ახსენეთ ერისკაცი, ბიძინა ივანიშვილი, რა თქმა უნდა, წუხდეს იქნება, რადგან ირაკლი მასთან გაიზარდა.

თანამებრძოლი გყოლიათ? თუ თანამებრძოლს სტკივა, ყველა თანამებრძოლს სტკივა, რა არის აქ გასაკვირი? ერისკაციც ადამიანია. სააკაშვილის დროში ნუ გეშლებათ დღევანდელი დრო. როცა მოსამართლეც სააკაშვილი იყო, პროკურორიც სააკაშვილი იყო და მმართველიც სააკაშვილი იყო. მეამაყება, რომ ირაკლი ღარიბაშვილის თანამებრძოლი ვიყავი, ვარ და ვიქნები“, – აცხადებს კურტანიძე.

დღევანდელ პროცესს არ ესწრებოდა თავად ღარიბაშვილი, რომელმაც თავის ერთ-ერთ წერილში დაწერა, რომ ,,ამ ცირკში მონაწილეობას არ მიიღებს”. თუმცა, მისი ადვოკატები არ გამორიცხავენ, რომ ყოფილი პრემიერი შემდეგ პროცესებს დაესწროს.