“რომ არა ეროვნული ბანკი ახლა დოლარი იქნებოდა ბევრად უფრო იაფი, ფასები ბევრად უფრო დაბალი, და სესხის პროცენტი ბევრად ნაკლები”– რაქვიაშვილი

თხპ–ის ერთ–ერთი ლიდერი, ალექსანდრე რაქვიაშვილი:

ანუ დოლარი უნდა გაიაფებულიყო და მასთან ერთად ბენზინი, ტელეფონები, მანქანები და ყველა სხვა იმპორტირებული პროდუქტიც. ოღონდ, ეს არ მოხდა და სანაცვლოდ 8 მილიარდი ლარით მეტი აღმოჩნდა ეკონომიკაში.

ბანკებში იმდენი ფული აღმოჩნდა, რომ ბანკებმა ეროვნული ბანკის რეფინანსირების სესხების აღება შეწყვიტეს და ეს-ეს იყო, მათი სესხები უნდა გაიაფებულიყო. აბა, პროცენტს თუ არ დაწევ, სხვაგვარად ამდენ ფულს როგორ გაასესხებ? მაგრამ არც სესხის გაიაფებდა უნდა ეროვნულ ბანკს, ამიტომ ის იქით უხდის კომერციულ ბანკებს 8.25%, რომ ბანკებმა ფული უკან ეროვნულ ბანკს ასესხონ.

თუმცა მოგვიანებით ეს ფული მაინც დაბრუნდება ეკონომიკაში და ისედაც მაღალი ინფლაციის პირობებში, კიდევ უფრო დააჩქარებს ფასების ზრდას.