4 ოქტომბრის საქმეზე ბრალდებულ გიორგი კირვალიძეს ბიძინა ივანიშვილის გინებისთვის 7-დღიანი ადმინისტრაციული პატიმრობა შეეფარდა. გადაწყვეტილება მოსამართლე თორნიკე ქოჩქიანმა მიიღო.
TV პირველის ცნობით, ამის შემდეგ, კირვალიძემ მოსამართლეს “მონა“ უწოდა და ივანიშვილს კიდევ ერთხელ შეაგინა.
4 ოქტომბრის საქმეზე ბრალდებულმა გიორგი კირვალიძემ 24 ივნისს, მას შემდეგ, რაც საპროცესო შეთანხმება გაუფორმეს, თქვა, რომ “თავს დამნაშავედ არ ვცნობ, გააუქმეთ [საპროცესო შეთანხმება], ბიძინას დედასაც შე***ი“.
ამის შემდეგ პროკურატურამ სააპელაციო სასამართლოში საპროცესო შეთანხმების გაუქმება მოითხოვა, რასაც მოსამართლე გიორგი კერატიშვილი დაეთანხმა. საქმე არსებითად განსახილველად კვლავ საქალაქო სასამართლოს დაუბრუნდა.
სააპელაციო სასამართლოში გამართულ სხდომაზე გიორგი კირვალიძემ თქვა, რომ 24 ივნისის განცხადება ემოციურ ფონზე გააკეთა.
კომენტარები