თიბისი კამპუსში სტუდენტების მიღება დაიწყო

თუ გაინტერესებს, როგორ იქმნება ციფრული პროდუქტი, აპლიკაცია ან სერვისი, რომელსაც ყოველდღიურად ვიყენებთ, ახლა სწავლის დაწყებისკარგი დროა, თიბისი კამპუსი კი სწორი ადგილია განათლებისთვის.

18-24 წლის სტუდენტებს თიბისი კამპუსში პროდუქტის მოდულზე დარეგისტრირება 15 ოქტომბრის ჩათვლითაა შეუძლიათ.

პროდუქტის მოდული სამ კურსს აერთიანებს: UI/UX დიზაინი, პროდუქტის მართვა, პროდუქტის დიზაინიდა მომხმარებლის გამოცდილება. მონაწილეები გაეცნობიან, როგორ იქმნება მომხმარებელზე მორგებული მარტივი, ციფრული გამოცდილება. ასევე, ისწავლიან როგორ ვითარდება პროდუქტი იდეიდან რეალურ შედეგამდე. პროდუქტის მიმართულებით სწავლის დასაწყებად წინასწარი გამოცდილება საჭირო არ არის.

კამპუსში სწავლა მხოლოდ თეორიას არ ეფუძნება, კურსები რეალურ ქეისებსა და პრაქტიკულ დავალებებს აერთიანებს, მონაწილეებს ცოდნას სფეროს პროფესიონალები და საერთაშორისო გამოცდილების მქონე ექსპერტები გაუზიარებენ.

თიბისი კამპუსი სტუდენტებისთვის შექმნილი უფასო ონლაინ საგანმანათლებლო პროგრამაა, რომელიც ახალგაზრდებს თანამედროვე, პრაქტიკაზე ორიენტირებული ცოდნის მიღებისა და სფეროს პროფესიონალებისგან სწავლის შესაძლებლობას აძლევს. პროგრამაში მონაწილეობა საქართველოს ნებისმიერი რეგიონიდანაა შესაძლებელი. ორი წლისგანმავლობაში კამპუსის კურსები უკვე 1000-მდე ახალგაზრდამ დაასრულა.