ალტე უნივერსიტეტის” ციფრული ტრანსფორმაციის ცენტრის ხელმძღვანელი, პროფესორი ნანა დიხამინჯია:
,,მართლა რა უხარისხო მთავრობა გვყავს.
ხომ აწყობდათ, რომ კარგი ფორმები შეეკერათ, თუნდაც იმ პოლიესტერის? აი რაც დიზაინით იყო, ასეთივე კოხტა ყოფილიყო ქვედაკაბაც და შარვლებიც?
ამის გაკეთება სრულიად მარტივად იყო შესაძლებელი, ჩინურ ფასებს და საიტებს თუ გადახედავთ. ვერ მოახერხეს.
ანუ ის ვერ მოახერხეს, რომ შარვალს და ქვედაკაბას ნორმალური ფორმა ჰქონოდა, რომელიც ბავშვების უმეტესობას მოერგებოდა. ისიც ვერ მოახერხეს, რომ ვიწრო და ფართე ზომები დაემატებინათ იგივე სიმაღლეზე, როგორც ეს ზოგადად საბავშვო ტანსაცმელშია ხოლმე გათვალისწინებული.
შესაბამისად, ირგვლივ თუ მიმოიხედავთ, ერთ ადამიანს ვერ იპოვით, ვინც ამ ფორმით კმაყოფილია. პარტიის იდეოლოგიური მომხრეებიც კი ბუზღუნებენ. განსაკუთრებით მას შემდეგ, რაც შეკერვის უფლებაც დართეს – ანუ ვისაც მეტი ფული აქვს, იმას კარგი ფორმები ექნება, შესაბამისად, თანასწორობის ილუზიაც მოუსპეს.
50 ათასი პირველკლასელის ფორმები ვერ შეკერეს ისე, რომ თავისივე მომხრეები არ გააბრაზონ და ესენი სახელმწიფოს განავითარებენ?“
კომენტარები