,, ნებისმიერ ადამიანს შეიძლება ცხოვრებაში შეეშალოს, მაგრამ ნებისმიერი განსაცდელი უნდა მიიღო კაცურად” – კახა კალაძე

თბილისის მერი კახა კალაძე ირაკლი ღარიბაშვილის ბოლო წერილზე:

,,ძალიან რთულია და მიჭირს და არ მსიამოვნებს საუბარი, როდესაც ყოფილ თანაგუნდელს ეხება. ყოფილი თანაგუნდელი, რომელსაც აღიარებული აქვს ბრალი, რაც წაუყენეს და ამისთვის იხდის სასჯელს. შემდეგ გაკეთებული განცხადებები, რომლებსაც არანაირი საფუძველი არ გააჩნია, ეს არის ჩემთვის ჩვეულებრივი პოლიტიკური სპეკულაციები.

იგივე კონკრეტული ფაქტი, რომელიც არის დადასტურებული, სამწუხაროდ, სუიციდი, ამ ფაქტით სპეკულირება კატეგორიულად მიუღებელია და კიდევ ერთხელ ვიმეორებ, ადამიანურად ვამბობ, ნებისმიერ ადამიანს შეიძლება ცხოვრებაში შეეშალოს, მაგრამ ნებისმიერი განსაცდელი უნდა მიიღო კაცურად და ადამიანურად.

შესაბამისად, ამ ტიპის განცხადებები, როდესაც ერთხმად ლაპარაკობს ირაკლი ღარიბაშვილი, კიდევ ერთხელ ვიტყვი, მიჭირს ამაზე საუბარი, ქვეყნის ყოფილი პრემიერმინისტრი და ჩვენი გუნდის ერთ-ერთი ლიდერი იყო ხომ, ერთხმად ლაპარაკობს ღარიბაშვილი და ნაციონალური მოძრაობა და ქვეყნის მტრები, ძალიან მძიმე სანახავია ეს ყველაფერი.”