შალვა პაპუაშვილის ინფორმაციით, რეგიონული პოლიტიკის საკითხებში სახელმწიფო მინისტრის თანამდებობა აღარ შეიქმნება:
“რაც შეეხება მთავრობის სტრუქტურაში ცვლილებასთან დაკავშირებით პროექტს, ჩვენ ამ სასესიო კვირაში ალბათ არა, მომდევნო სასესიო კვირაში გვექნება მსჯელობა. სახელმწიფო მინისტრის ეს პოზიცია აღარ შეიქმნება. იცით, რომ თავის დროზე დაანონსდა, რომ გაუქმდებოდა სამართალდამცავი ორგანოების კოორდინირების მიმართულებით სახელმწიფო მინისტრის პოზიცია. შეიქმნებოდა რეგიონული მიმართულებით. რაც შეეხება გაუქმებას, გაუქმდება სამართალდამცავი ორგანოების კოორდინაციის ფუნქციის მქონე სახელმწიფო მინისტრის პოსტი, არ შეიქმნება რეგიონული მიმართულებით კოორდინაციის პოსტი. მსჯელობა მიდის და სავარაუდოდ, მოხდება რეგიონული განვითარების სამინისტროსა და ინფრასტრუქტურის სამინისტროს გაერთიანება…
მემგონი მაშინათვე ითქვა, რომ ის ამოცანები, რომლებიც, მათ შორის, სამართალდამცავი ორგანოების კოორდინაციის სახით დააკისრა პრემიერმინისტრმა მამუკა მდინარაძეს, ეს იყო, მათ შორის მისი პირადი შესაძლებლობებიდან გამომდინარე და ეს ფუნქცია მან ძალიან კარგად შეასრულა და ეს კოორდინაცია დღეს არის ძალიან კარგად აწყობილი.
სურვილი იყო, რომ რეგიონალური მიმართულებითაც იგივე გაკეთებულიყო კოორდინაციის მხრივ. გამომდინარე იქიდან, რომ მამუკა მდინარაძემ მიიღო გადაწყვეტილება, რომ პოლიტიკიდან წასულიყო, აქედან გამომდინარე, ეს საჭიროება აღარ არის… კიდევ ერთხელ, სწორედ მამუკა მდინარაძე და მათ შორის მისი პირადი შესაძლებლობებიდან გამომდინარე იყო ჩაფიქრებული ამ პოზიციის შექმნა. […]
იმისთვის, რომ კოორდინაციო აწარმოო სხვადასხვა სამინისტროების თუ სტრუქტურების, ამას, რა თქმა უნდა, პოლიტიკური გამოცდილება სჭირდება, პოლიტიკური რესურსი სჭირდება, რომელიც მამუკა მდინარაძეს ჰქონდა განსაკუთრებული ამ მხრივ და მისი საქმიანობა სამართალდამცავი ორგანოების კოორდინაციის მიმართულებით ამისი ყველაზე კარგი დასტური არის. ასე რომ, რა თქმა უნდა, თავისთავად, სწორედ მამუკა მდინარაძის პოლიტიკური გამოცდილებიდან, პოლოტიკური წონიდან, ცოდნიდან გამომდინარე იყო ჩაფიქრებული ამ პოზიციის შექმნა და ვინაიდან, მან მიიღო გადაწყვეტილება პოლიტიკიდან წასვლისა, აქედან გამომდინარე, ეს გადაწყვეტილება ახლა შეიცვალა.”
კომენტარები