დამოუკიდებლობის დღეს ევროკომისიამ მხარი დაუჭირა უკრაინისთვის 6,1 მილიარდი ევროს იარაღის შეძენას.
ევროკავშირის დაფინანსება განკუთვნილია საჰაერო თავდაცვის საშუალებების, რაკეტების, საბრძოლო მასალებისა და რადარების შესაძენად. მათი დიდი ნაწილი შეძენილი იქნება ევროკავშირის წევრი სახელმწიფოების მწარმოებლებისგან.
“უკრაინის დამოუკიდებლობის დღეს ევროპა აჩვენებს, რომ ჩვენი მხარდაჭერა ურყევი და კონკრეტულია. დღეს ჩვენ დავამტკიცეთ 6,1 მილიარდი ევრო საჰაერო და რაკეტსაწინააღმდეგო თავდაცვის სისტემებისთვის, რაკეტებისთვის, საბრძოლო მასალისა და რადიოლოკაციური სადგურებისთვის, რომლებიც უკრაინას სასწრაფოდ სჭირდება. ვინაიდან რუსეთი აძლიერებს თავდასხმებს, ჩვენ ვზრდით დახმარებას, რათა დავეხმაროთ უკრაინას თავისი ხალხის დაცვასა და ცის უსაფრთხოების უზრუნველყოფაში. ევროპა დგას უკრაინის გვერდით და ჩვენ მივაწვდით მას იმას, რაც სჭირდება და მაშინ, როცა სჭირდება“- აცხადებს ევროკომისიის პრეზიდენტი ურსულა ფონ დერ ლაიენი.
კომენტარები