საქართველოს საკალათბურთო ნაკრები დღეს ისრაელთან ამხანაგურ მატჩს ჩაატარებს. თამაში თბილისში, ოთარ ქორქიასა და ნოდარ ჯორჯიკიას სახელობის სპორტის სასახლეში გაიმართება. შეხვედრა 19:15 საათზე დაიწყება.
აღნიშნული თამაში ოფიციალური მატჩების წინ საქართველოს ნაკრებისთვის ბოლო იქნება.
ეს ალექსანდარ ჯიკიჩის გუნდის ბოლო თამაში იქნება მსოფლიო ჩემპიონატის მეორე საკვალიფიკაციო ეტაპის მატჩებამდე, რომლებიც 28 (თბილისში მონტენეგროსთან) და 31 (სტუმრად პორტუგალიასთან) აგვისტოს გაიმართება.
აგვისტოში ნაკრებმა დახურული ამხანაგური შეხვედრაც ჩაატარა, რომელშიც ლიბანის ნაკრები ანგარიშით 93:74 დაამარცხა.
კომენტარები