განათლების სპეციალისტი, მასწავლებელი და საზმაუს მარშის ერთ-ერთი ლიდერი გოტა ჭანტურია:
ამას ავრცელებს განათლების სამინისტრო და დარწმუნებული ვარ, ეს ისევ პარტიის პროპაგანდისტული დღის წესრიგის ნაწილია, რომ სხვა საკითხები გადაფარონ და საზოგადოების ყურადღება და აღშფოთება 1-2 დღით ნაკლებპრიორიტეტულ საკითხებზე გადავიტანოთ.
რაც მთავარია, ცდილობენ ჩვენი ყურადღების გაფანტვას, დაბომბვას, რომ კონცენტრირება და თანმიმდევრული მუშაობა ვერაფერზე შევძლოთ.ამიტომ, მნიშვნელოვანია რეაგირების ფაზიდან გამოვიდეთ და თავად გავხადოთ ჩვენი მდევრები.ისე კი, თუ მაინც გამოხმაურებაა,განათლების მინისტრი პრაქტიკულად სადამსჯელო მექანიზმებით ემუქრება მშობლებს, რომ თუ სკოლის შინაგანაწესს არ დაემორჩილებიან და ფორმას არ/ვერ ჩააცმევენ ბავშვებს, შესაბამის ზომებს მივიღებთო.ხოდა, ამ ლოგიკით, კანონით სახელმწიფოსაც ეკუთვნის ხარისხიანი განათლების უზრუნველყოფა ყველასათვის.მიუხედავად ამისა, მოსწავლეთა აკადემიური მოსწრება კატასტროფულად დაბალია, რასაც როგორც საერთაშორისო, ისე ეროვნული შეფასებებიც მოწმობს.უფრო მარტივად რომ ვთქვათ, თუკი რამეზე საყოველთაო შეთანხმება არსებობს, ეს არის – კატასტროფული განათლების სისტემა გვაქვს.აღნიშნული მაჩვენებლებით ამ ქვეყანას არანაირი პერსპექტივა არ აქვს და განათლების სისტემა სეგრეგაციისა და უთანასწორობის კვლავწარმოების ინსტრუმენტად არის გადაქცეული,სადაც მდიდრებისთვის კერძო სკოლები არსებობს, თავისი კვებით, ლაბორატორიებით, სპორტული მოედნებით, საცურაო აუზებითა და არაფორმალური განათლებით;ხოლო დანარჩენი საზოგადოებისთვის – დანგრეული, ფიზიკურად მოშლილი, შინაარს გამოცლილი და პარტიის ინტერესებში ჩაყენებული საჯარო სკოლები.შეგახსენებთ, სკოლების უმრავლესობა (70%-მდე) რემონტს ან ახლიდან მშენებლობას საჭიროებს, რომლებსაც არ გააჩნია სპორტული მოედნები, საბუნებისმეტყველო ლაბორატორიები, კაფეტერიები, მოსასვენებელი სივრცეები, ინტერნეტი, ხშირად – სუფთა წყალი, საპირფარეშოები; სადაც, ელემენტარული უსაფრთხოების ნორმებიც არ არის დაცული.ამ მხრივ, ყველა მინისტრი ახალ რეფორმას იწყებდა. განსაკუთრებით ხმაურიანი რეფორმები 2019 წლიდან გვახსოვს, თუმცა ორჯერ გადაიდო და ათიათასობით მოსწავლეს დღესაც არა თავის, სხვა სკოლის შენობაში უწევთ სწავლა. მაგ., ზოგიერთი სკოლა 7-8 წელია რემონტდება, ზოგიერთი დაანგრიეს და დღემდე ასეა.შესაბამისად, კანონის, შინაგანაწესების და კონტრაქტებისა თუ სოციალური კონტრაქტების დაცვა არა ცალმხრივი, ორმხრივია. ამიტომ, პოლკოვნიკ მიქანაძეს ვურჩევდი ჯერ საკუთარი ვალდებულებები შეასრულოს და მერე მოთხოვოს მშობლებს.თავად იდეის შინაარსზე ანუ ფორმების შემოღებაზე ბევრს არაფერს ვამბობ. ზოგადად, არაერთი დადებითი აქვს, მაგრამ არანაირი კავშირი აკადემიურ მოსწრებასთან.
ასევე, ამ კონტექსტში, სახელმწიფოს რესურსების ანუ გადასახადების გადამხდელთა ფულის ხარჯვა, მეტიც, ჩინური კომპანიისთვის გადახდა, როცა სასკოლო კვების პროგრამა თითქმის 10 წელია განიხილება, მავნებლობაა და მეტი არაფერი, რომლის უკან გარდა პროპაგანდისტული ამოცანებისა, არავის გაუკვირდება, რომ კორუფციაც იდგეს. ამაზე ფასადური რა შეიძლება იყოს, არ ვიცი.
კომენტარები