ევროპარლამენტმა 17 ივნისს კენჭი უყარა რეზოლუციას საქართველოს შესახებ, რომელშიც მათ შორის ქართულ ტელემედიებზეც არის საუბარი.
კერძოდ, ევროპარლამენტმა მოითხოვა სანქციების დაწესება სამთავრობო მედიებისთვის: „იმედისთვის“, „პოსტივისა“ და „რუსთავი 2-ისთვის“, ასევე აკრედიტაციების შეჩერება მათი წარმომადგენლებისთვის ევროკავშირის ინსტიტუტებში – დოკუმენტში დაგმობილია ამ ტელევიზიების მხრიდან განმეორებითი თავდასხმები ევროკავშირის ინსტიტუტების, ევროკავშირის ოფიციალური პირებისა და საქართველოში ევროკავშირის დელეგაციის ხელმძღვანელის, ელჩ პაველ ჰერჩინსკის მიმართ.
ევროპარლამენტმა ასევე მოითხოვა, ევროკავშირის სანქციების სიაში შეიყვანონ საქართველოს კომუნიკაციების ეროვნული კომისიის და საქართველოს საზოგადოებრივი მაუწყებლის ხელმძღვანელობის წევრები.
კომენტარები