,, თქვენსავე შემოქმედს ბიძინა ივანიშვილსაც ასე ზედაპირულად ატყუებთ?“ – არჩილ გამზარდია

ანალიტიკოსი არჩილ გამზარდია:

,,რა მაგის პასუხია და საქართველოს ხელისუფლების “მაღალიერარქები” რომ ჩამოდგებიან და ბიძინა ივანიშვილის წვლილსა და დამსახურებებზე ლაპარაკობენ, რაც მათი საქმე საერთოდ არაა და ეს არაგულწრფელი დიდება ხომ ზედმეტად ღიად და მარტივად მოჩანს.

თუ ხელისუფლება რომელიმე მოქალაქის წვლილს განსაკუთრებულად აფასებს, მას შეუძლია გადასცეს ჯილდო, ორდენი და ა.შ.

ამგვარ სახელისუფლებო რიტორიკაში მეტად უცნაურად მოჩანს ის, რომ 14 წლიანი მმართველობის დროს, ივანიშვილის “დამსახურებების” დაჯილდოვება შესაბამისი ორდენებით არც ერთხელ საჭიროდ არ ჩაუთვლიათ, მათ შორის არც ამჟამინდელ პრემიერ კობახიძეს.

რაც მე ინფორმაცია მოვიძიე, 2012 წლიდან დღემდე, „ქართული ოცნების“ მმართველობის პირობებშიც, ხელისუფლების მხრიდან ივანიშვილის ორდენით დაჯილდოების ოფიციალური აქტი არ გამოცემულა.

​ივანიშვილს მიღებული აქვს რამდენიმე სხვა ტიპის ჯილდო:

​მაგალითად, საქართველოს მართლმადიდებელი ეკლესიის ჯილდო: კათოლიკოს-პატრიარქ ილია II-ის მიერ ბიძინა ივანიშვილი დაჯილდოებულია ეკლესიის უმაღლესი ჯილდოთი – წმინდა გიორგის ოქროს ორდენით (მრავალწლიანი ქველმოქმედებისა და ტაძრების მშენებლობა-რესტავრაციაში შეტანილი წვლილისთვის).

​საერთაშორისო სახელმწიფო ჯილდო: 2021 წელს საფრანგეთის პრეზიდენტ ემანუელ მაკრონის განკარგულებით მას მიენიჭა საფრანგეთის უმაღლესი სახელმწიფო ჯილდო – საპატიო ლეგიონის ორდენის კავალერის ტიტული (საქველმოქმედო საქმიანობისა და კოვიდ-პანდემიასთან ბრძოლაში შეტანილი წვლილისთვის).

​არასამთავრობო და საერთაშორისო ორგანიზაციების ჯილდოები: 2013 წელს „იურისტთა მსოფლიო ასოციაციამ“ (World Jurist Association) ივანიშვილი დააჯილდოვა სამართლიანობის უმაღლესი ორდენით.

ივანიშვილს ასევე, მიღებული აქვს დინასტიური და საგვარეულო ორდენები (მაგ. ბაგრატიონთა სამეფო სახლისგან).

ჰოდა, “ქართული ოცნებისგან” კი არაფერი. ახლა არ თქვათ, ბიძინას მოკრძალების გამოო, ვინც კი მისი დაჯილდოვება გადაწყვიტა, ივანიშვილმა ყველა მიიღო. ხელისუფლებისგან თუ ჯილდო არ სურს, ივანიშვილს შეუძლია უარი თქვას მხოლოდ მას შემდეგ, რაც განკარგულება გამოიცემა მისი რაიმე ორდენით დაჯილდოვების თემაზე.

ჰოდა, ხელისუფლებავ, აქაც რომ მკვეთრად წაუყალბებთ თქვენსავე რიტორიკაში, თუ ხვდებით? ივანიშვილმა თუ ქვეყანა გადაგირჩინათ, ყველა სიკეთე მისგან ჩნდება და ამხელა დამსახურებები აქვს, რატომ არც ერთი ორდენი არ გადაეცით ბიძინა ივანიშვილს?

სად და ვის გვატყუებთ? – ჩვენ? კი, ეგ ვიცით და თქვენსავე შემოქმედს ბიძინა ივანიშვილსაც ასე ზედაპირულად ატყუებთ?“