“რუსეთმა ამოწურა სომეხი ხალხის მოტყუების რესურსი. გაუმარჯოს სომხეთს! Կենացդ Հայաստան!” – ირაკლი მელაშვილი

ყოფილი პარლამენტარი, ირაკლი მელაშვილი:

გულწრფელად ვწერ ამას, რომ გადავხედოთ მსოფლიო ისტორიას, ცოტა თუ მოიძებნება ორი ერი, რომლებიც ასე ყოფილიყვნენ ერთმანეთზე გადაჯაჭვული თავიანთი ბედუკუღმართობითა თუ წარმატებებით, რომლებსაც ასე მშვიდობიანად და მეგობრულად ეცხოვრათ ერთმანეთის გვერდი-გვერდ, ქალაქებში, სოფლებში, ერთ სახელწმიფოში, ერთი მეფეების თუ ერთი დამპყრობლების ქვეშ. ბოლო საუკუნეებია, იმპერიული პროპაგანდა ინტენსიურად ცდილობდა ჩვენი ერთმანეთთან დაპირისპირებას და ამისთვის ბევრი რამ გამოიყენებოდა, დაწყებული ისტორიული მითების გავრცელებიდან, დამთავრებული ორივე ერში ნაციონალიზმის ღია წაქეზებით.

საბედნიეროდ ყველა ეს მცდელობა ჩაიშალა, “დაყავი და იბატონეს” იმპერიულ იდოელოგია სომხეთსა და საქართველოშიც დამარცხდა. იმპერიის იდეოლოგებს და მათ ადგილობრივ უტვინო მიმდევრებს არაფერი გამოუვიდათ, დარწმუნებული ვარ რომ მომავალშიც არაფერი გამოუვათ. მე მჯერა, რომ დღეს ჩვენ მეზობლები და მეგობრები გააკეთებენ სწორ არჩევანს.

აქ მე არ ვსაუბრობ, ვის მოწონს პოლიტიკოსი პაშიანიანი და ვის არა. ჩემი აზრით, სომეხ ერს მართლა ისტორიული დღეები უდგას. ეს არჩევნები გაცილებით მეტია, ვიდრე ვინმეს სიმპატია-ანტიპათია პაშინიანის, კარაპეტიანის ან ქოჩარიანის მიმართ. მე დარწმუნებული ვარ, რომ სომხები გადადგამენ დიდ ნაბიჯს სუვერენული სახელმწიფოს, მშვიდობის, რეგიონული თანამშრომლობის, პროგრესის და განვითარების სასარგებლოდ!

ჩვენმა მეზობლებმა და მეგობრებმა ძალიან მძიმე გზა გაიარეს ამ იდეამდე მოსვლამდე, უამრავი სისხლი გაიღეს, ძალიან დიდი დანაკარგებით, ძალიან უნდა დიდ ჩრდილოელს მუდმივად მეზობლების თავდასხმის შიშსა და კომპლექსებში აცხოვროს უძველესი კავაკსიური ცივილიზაციის შემქმნელი ერი და ასე იბატონოს მასზე. როცა მოეპრიანება მაშინ გაყიდოს, ისე როგორ გაყიდეს და შეატოვეს მეოცე საუკუნის დასაწყისში, თან მერე ათწლეულები უტუფრად გადარჩენას ამადლიდნენ, ისევე როგორც მიატოვეს ამ რამდენიმე წლის წინათაც. მაგრამ ვფიქრობ, რუსეთმა ამოწურა სომეხი ხალხის გადამრჩენად წარმოჩენის და მათი მოტყუების რესურსი. წარმატებები დღეს ჩვენს მეზობლებს ! დარწმუნებული, ვარ რომ მომავალში კიდევ უფრო მჭიდრო თანამშრომლობით, ერთად, ბევრად მეტს მივაღწევთ, როგორც ჩვენი სახელწმიფოების სუვერენიტეტის განმტკიცების, ისე ჩვენი ხალხების განვითარების, ეკონომიკური თუ კულტურული ძლიერების საქმეში!