„საკუთარ თავთან როგორ ამართლებთ, რომ უბრალოდ ყველაფრის გამმეორებლები ხართ რასაც პროპაგანდისტები გეტყვიან“ – ლევან ღამბაშიძე

რეჟიმმა თქვა, მედიკამენტები არ არსებობსო. მერე კი არსებობსო, მაგრამ ექსპერიმენტულიაო. მერე ეგ ხალხი ბავშვებს პოლიტიკისთთვის იყენებსო. მერე, მაგ ხალხს პოლიტიკოსები იყენებენ პოლიტიკისთვისო. მერე, ბავშვებისთვის რომ სტუდენტებმა ორი მილიონი ლარი შეაგროვეს, ეგ კარგი კი არა ცუდი იყოო. მერე ჩვენ პასუხისმგებლიანი ხალხი ვართ და ასე ჰარი-ჰარალეზე არაფერსაც არ ვიყიდითო.

და აი ნებისმიერ ამ განცხადებას ხელს აწერდა რეჟიმის ყველა მხარდაჭერი. ზუსტად იდენტურ პროპაგანდისტულ წინადადებებს იმეორებდა საუბარში. თითქოს იმედის დიქტორი უზის ყველას ტვინში და პირში.

დღეს გამოვიდა კობახიძე და წამლებს ვიყიდითო.

და გადმოეწყო ტვინგამოიმედებული ხალხი ახალ გზავნილზე. ზუსტად იგივე შემართებით დაიწყებს დღეიდან იმის საპირისპიროს მტკიცებას, რასაც გუშინ ამტკიცებდა.

რეჟიმს რა უნდა და რატომ უნდა და რა შედეგებს აღწევს, ეგ ცალკე საკითხია, მაგრამ ასე დასაქოქი თუთიყურშივით რომ იმეორებთ ყველაფერს, მაგის არ გრცხვენიათ? საკუთარ თავთან როგორ ამართლებთ, რომ უბრალოდ ყველაფრის გამმეორებლები ხართ რასაც პროპაგანდისტები გეტყვიან და საკუთარინაზრის ფორმირების უნარი აღარ გაგაჩნიათ.

სირცხვილია.“