პოლიტიკოსი, სალომე სამადაშვილი:
აშშ-სთან ვერანაირი ნორმალიზაცია ვერ მოხდება, სანამ ივანიშვილს ადევს სანქცია. არანაირი პირობებების შესრულებას არ აპირებს სანქციის მოსახსნელად. ივანიშვილის ამოცანაა, აშშ-მ მიიღოს ის როგორც ავტოკრატიული, მაგრამ სტაბილურობის გარანტორი ლიდერი, როგორც სხვა ქვეყნებში. მისთვის გაუგებარია, რატომ არ ადევს სანქცია, მაგალითად, პრეზიდენტ ალიევს, რატომ ეთანმშრომლება მას დასავლეთი და სჯის ივანიშვილს.
ყველა ევროპის საწინააღმდეგო ნაბიჯი კი, გამიზნულადაა გადადგმული. რუსებს უნდა დაუმტკიცოს, არანაირ ევროკავშირში არ აპირებს საქართველოს გაწევრიანებას. შემდგომი ამოცანაა, ხალხსაც ხელი ააღებინოს ევროპულ დღის წესრიგზე.სტაბლურობას ივანიშვილი ვერ ქმნის, სანამ გაუქმებულ ევროპულ მომავალს ხალხი არ ეგეუბა, შესაბამისად კი, არსებობს წინააღმდეგობის მოძრაობა და ოპოზიცია, რომელსაც კიდევ შეუძლია ფუნქციურად ბრძოლა რეჟიმთან.ოპოზიციას აშშ-ს საელჩოს მიერ გავრცელებული განცხადებით უთხრეს, რომ პოლიტიკურ პროცესებში მონაწილეობაზე უარი, აშშ-ს აზრით, არაა სწორი და არ აძლიერებს ოპოზიციას. რატომ ჩაითვალა ეს უცნაურად, როდესაც სახეზეა არჩევნების ბოიკოტის შედეგი, უფრო სწორედ კი, უშედეგობა, მიკვირს.
ცხადია, ყველა თავად მიიღებს გადაწყვეტილებას, ბრძოლის სწორ გზაზე. მთავარია, რომ განსხვავებული მოსაზრებების მიუხედავად, როგორც ოპოზიციამ, ასევე მოქალაქეებმა, ცხადად აჩვენონ ყველას, სტაბილურობას ამ ქვეყანაში მხოლოდ დემოკრატიული გადატვირთვა და ევროპული განვითარების გზაზე დაბრუნება მოიტანს. ავტოკრატიული სტაბილურობა საქართველოში შეუძლებელია.
კომენტარები