“მთელი ოჯახი დგას და ტირის. ასეთი უსუსურობის შეგრძნება არასდროს მქონია” – ნათია ჭელიძე

ნათია ჭელიძე, სოციალურ ქსელში, აქვეყნებს ფოტოს და წერს:

ცოტა ხნის წინ, რუსთაველზე მოვიდა დედა, თავის შვილებთან ერთად. თურმე სექტემბრის მერე სომხეთის საზღვრიდან არ უშვებენ ბავშვების მამას, რომელიც ოჯახის ერთადერთი მარჩენალია. ამ ქალის ქმარს გაუუქმეს საქართველოს მოქალაქეობა, ჯარიმის გადახდის ვადები დაარღვიაო.

დედამ ჩვენთან საუბრის დროს თქვა, რომ ქირით ცხოვრობენ და საკვების ფულიც აღარ აქვთ. სახელმწიფოსაც მიმართეს არაერთხელ, მაგრამ უშედეგოდ.

მთელი ოჯახი დგას და ტირის.
ტირიან ბავშვები.

ასეთი უსუსურობის შეგრძნება არასდროს მქონია 

სოციალურ ქსელში, ვრცელდება ინფორმაცია, რომ სავარაუდოდ, ეს ერნესტ ავაქიმიანის ოჯახია.

„თბილისში დაბადებულ სომეხს საქართველოში აღარ მაბრუნებენ. 47 წლის ვარ და 47 წელია საქართველოში ვცხოვრობ. ესაა სამართალი? უკვე 8 თვე გავიდა, რაც სომხეთიდან საქართველოში არ მიშვებენ… ქობულეთში მელოდება მოხუცი დედა, ძმა, რომელიც კლინიკაშია და მე უნდა ჩამოვიდე, რომ კლინიკიდან გავიყვანო, 4 მცირეწლოვანი შვილი, მეუღლე,“ – ამბობს ერნესტ ავაქიმიანი “ბათუმელებთან”/

ერნესტ ავაქიმიანს საქართველოს მოქალაქეობა წლების წინ შეუწყვიტეს – მას შემდეგ, როცა მან სომხეთის მოქალაქეობა მიიღო.