ეროვნული ბანკის ყოფილი პრეზიდენტი, რომან გოცირიძე:
ბაქო-თბილისი-ყარსის რკინიგზა უკვე მეორეჯერ საზეიმოდ გაიხსნა. ვიქნებით თუ არა მესამედ გახსნის მომსწრეები, მომავალში გამოჩნდება.
პირველად 2017 წელს იზეიმეს რკინიგზის გახსნა. თითქმის ათი წელი გავიდა მას შემდეგ, მაგრამ უამრავი დაუმთავრებელი სამუშაო გადმოჰყვა და მატარებლებიც კანტი-კუნტად მოძრაობდნენ. რკინიგზის ჩვენი მონაკვეთის რეაბილიტაციაზე და დამატებითი ხაზის მშენებლობაზე 900 მილიონი დოლარი დაიხარჯა. იგი საქართველოს რკინიგზის მიერ აზებაიჯანიდან აღებული სესხით დაფინანსდა. სესხი 25 წლიანია და მისი განაკვეთი საკმაოდ მაღალია-წლიური 5 პროცენტი. მცირე ნაწილი შეღავათიანია, 1 პროცენტის ოდენობით.თავდაპირველი გეგმით რკინიგზა 2010 წელს უნდა შესულიყო ექსპლუატაციაში, მაგრამ ფაქტობრივად სრულფასოვნად დღეს ამოქმედდა.
მიუხედავად დღევანდელი საზეიმო გახსნისა, რკინიგზის თურქეთის მონაკვეთზე კვლავ გრძელდება რეკონსტრუქციის (გაფართოების) სამუშაოები. ასე, რომ მესამედ გახსნის ზეიმიც არა გამორიცხული-ოღონდ უკვე თურქეთის ტერიტორიაზე.
კომენტარები