“გზასაცდენილები უნდა დავუბრუნოთ სწორ გზას და მხარი უნდა დაუჭირონ ქვეყნის სწორ კურსს” – კობახიძე 26 მაისს აქციის მონაწილეებზე

ქართული ოცნების პირველი პირი, ირაკლი კობახიძე. 26 მაისის აქციაზე საუბრისას, ამბობს:

„არ ვიცი, როგორ შეიძლება, ერთი ადამიანი მაინც გაჰყვეს მათ, თუმცა ვხედავთ, რომ 5 000 ადამიანი გაჰყვა, რაც, თავისთავად, სამწუხაროა, თუმცა ისინი უნდა იყვნენ ბედნიერები ამ ყველაფრით. მთავარი ის არის, რომ ეს არის უმცირესობა, ეს აგრესიული უმცირესობა საბოლოო ჯამში ვერ აღწევს შედეგს, წინააღმდეგ შემთხვევაში, ჩვენი ქვეყნის განვითარების გზა არ იქნებოდა ისეთი, როგორიც არის, ასეთ ადამიანებს რომ გაემარჯვათ. ჩვენთვის მთავარია, რომ ნებისმიერი მოქალაქე, რომელიც დღეს არის გზას აცდენილი და რომელსაც მოსწონს, მაგალითად, გვარამია, ზურაბიშვილი, ჯაფარიძე ან ვაშაძე, დაუბრუნდეს სწორ გზას და მხარი დაუჭიროს ქვეყნის სწორ კურსს. ეს არის ჩვენი მთავარი ამოცანა. აქედან გამომდინარე რა თქმა უნდა პატივისცემა უნდა გამოვხატოთ იმ ადამიანების უმრავლესობის მიმართ, იმ 5 000 კაცის უმრავლესობის მიმართ, რომლებიც იქ იყვნენ შეკრებილნი, ისინი არიან შეცდომაში შეყვანილი, თუმცა ისინიც უნდა დაუბრუნდნენ იმ გზას, რომელიც დაკავშირებულია ქვეყნის განვითარებასთან…”