“ჩემს ძმას ისევ ბრალი აქვს წაყენებული” – პოლიციელთა მიეც ნაცემი პირის ძმა

გორში, პოლიციელების მიერ ნაცემი ახალგაზარდის, პაპუნა  ლოცულაშვილის ძმა, გიგლა ლოცულაშვილი, ტვ პირველთან, ამბობს:

აქვს მოტეხილობა, დაბეჟილობები, მრავლობითი ჩალურჯებები სხეულზე და აქედან გამომდინარე მძიმედ არის. ფსიქოლოგიურადაც მძიმედ არის, სტრესშია და ფიზიკურადაც თავისთავად. 

მეგობარს მიაკითხა შესვენებაზე, იქ ისაუზმეს ერთად და წამოვიდა ისევ ბრუნდებოდა სამსახურში. მე როგორც ვიცი, იყო გადამოწმების მიზნით გაჩერება, გაუჩერეს ფეხებში მანქანა ძალიან ისე და ამან უთხრა, რანაირად დადიხარო, არ დამეჯახოო და რომ გადმოვიდნენ იმათ უხეშად დაუწყეს ლაპარაკი, არაფერი იქ ისეთი არ ყოფილა, შემდეგ მაისურზე წვდა ეს ერთ-ერთი [პოლიციელი] და აი, მანდ დაიწყო ყველაფერი. 

ჯერ ცოტა მძიმე პერიოდი აქვს. ალბათ გამოვა ამ პერიოდიდან და მერე თვითონ ისაუბრებს. ერთადერთი რაც მინდა ახლა, პირველ რიგში რაც უნდა მოხდეს, ჩემ ძმას ისევ ბრალი აქვს წაყენებული და ბრალდებულის სტატუსით არის გათავისუფლებული და მოხუსნან ეს ბრალი, რომ ჩემი ძმა არაფერში არ არის დამნაშავე. 

დააკავონ ის პირები, ვინც არიან დამნაშავეები, სასტიკი მოპყრობისთვის და არაადამიანურად გადამეტებული ძალაუფლებსითვის, რასაც აკეთებენ მთელმა ქვეყანამ ნახა და როგორი სიტყვებითაც აგინებენ მთელმა ქვეყანამ ნახა და ახლა პოლიციელი რომ ასეთი სიტყვებით გელაპარაკება და ასე გექცევა, რა ვიცი. არავინ არ არის ჩემი ძმა, რომ ეს დაემსახურებინა, მითუმეტეს სამართალდამცავებისგან,” – ამბობს გიგლა ლოცულაშვილი.