ქართულმა კომპანიებმა სანქცირებული სუბიექტებისთვის 70$ მილიონის ტრანზაქციები განახორციელეს – ბრიტანეთის საელჩო

ბრიტანეთის საელჩო თბილისში, ოფიციალური ლონდონის მიერ სამი ქართული კომპანიის დასანქცირებას ეხმაურება და ფბ გვერდზე ბრიტანეთის მთავრობის გადაწყვეტილებას აზიარებს:

,,გუშინ, დიდმა ბრიტანეთმა გამოაცხადა სანქციების ახალი პაკეტი, რომელიც მიმართულია კრიპტოვალუტის გაცვლის პლატფორმებისა და „A7 ქსელის“ წინააღმდეგ. აღნიშნულ ქსელს რუსეთი იყენებს მოქმედი სანქციების გვერდის ავლის მიზნით და უკრაინის წინააღმდეგ სასტიკი ომის დასაფინანსებლად.
სანქციების პაკეტში შედის საქართველოში რეგისტრირებული სამი კომპანია, რომლებიც კრიპტო-გაცვლის პლატფორმებს იყენებენ რუსეთისთვის სანქციებისგან თავის არიდების მიზნით.
სანქცირებულ სუბიექტებთან მათ მიერ განხორციელებული ტრანზაქციების მოცულობა სულ მცირე 70 მილიონ დოლარს შეადგენს”