დაკავებული ლევან ახობაძის ადვოკატი, რაჟდენ კუპრაშვილი ამბობს, რომ თანხა რომელიც სუს-ის ყოფილი მაღალჩინოსნის სახლიდან ამოიღეს, მისი სახელფასო დანაზოგი იყო.
ცნობისთვის, საქალაქო სასამართლოში გრიგოლ ლილუაშვილის ყოფილ მოადგილეს აღკვეთის სახით პატიმრობა დღეს შეუფარდა.
სუს-ის ექს-შეფის, გრიგოლ ლილუაშილის ყოფილი მოადგილე, ლევან ახობაძე სუს-მა გუშინ დილით დააკავა. სუს-ის ყოფილ მაღალჩინოსანს დიდი ოდენობით ქრთამის აღების ფაქტზე ბრალი გუშინ ღამით წარედგინა.
სუს-ი ამბობს, რომ ახობაძემ 250 000 ლარის ოდენობსი ქრთამი მეწარმისგან სუს-ში საკუთარ კაბინეტში მიიღო.
ასევე აღსანიშნავია ერთი დეტალი, რომ პროკურატურის განცხადებაში სახელმწიფო უსაფრთოების სამსახურის განცხადებისგან განსხვავებით სუს-ის ყოფილი შეფის, გრიგოლ ლილუაშვილის გვარი ნახსენები არ არის. სუს-ის განცხადებით, ქრთამის შესახებ ინფორმირებული იყო ლილუაშვილიც.
დაკავებულს ბრალდება საქართველოს სისხლის სამართლის კოდექსის 338-ე მუხლის მე-3 ნაწილის „ე“ ქვეპუნქტით (მოხელის მიერ პირდაპირ ფულის მოთხოვნა და მიღება, რათა მოხელემ ქრთამის მიმცემის სასარგებლოდ განახორციელოს რაიმე ქმედება და გამოიყენოს თავისი სამსახურებრივი ავტორიტეტი ანალოგიური მიზნის მისაღწევად, ჩადენილი განსაკუთრებით დიდი ოდენობით) წარედგინა, რაც სასჯელის სახედ და ზომად 11-დან 15 წლამდე თავისუფლების აღკვეთას ითვალისწინებს.
კომენტარები