პოლიტიკოსი, ბადრი გრიგალაშვილი:
ცოტახნის წინ ალიანსმა დაასახელა სამართლიანი არჩევნების წინაპირობები, რაც აბსოლუტურად ლეგიტიმურია. ნიკა გვარამიამ დაძრა ეს საკითხი და ძალიან სწორადაც.
თუმცა, მე აქამდე ალიანსში შემავალი პარტიებისგან ვერ მოვისმინე მკაფიო პასუხი, რა არის ის განვითარების გეგმა, რაც ამ ვაჭრობის პროცესს ულტიმატუმის სახეს მისცემდა და არ დაემსგავსებოდა ხვეწნას.
უფრო კონკრეტულად, რა არის ალიანსის გეგმა B იმ შემთხვევაში თუ მოთხოვნები არ შესრულდა? ბოიკოტს უცხადებთ შემდგომ არჩევნებს, გადადიხართ რევოლუციურ რეჟიმში, თუ მაინც შეეცდებით მონაწილეობის მიღებას იმ მოცემულობით, რაც იქნება?
მე პირადად, როგორც ერთი რიგითი მოქალაქე, ამ პასუხის მოსასმენად მოვალ 26 მაისის აქციაზე და იმედი მაქვს, აქციის როლი სიმბოლიზმის გარდა, ისიც იქნება რომ პარტიებმა სადღეგრძელოების გარეშე მკაფიო პოზიცია უთხრან ადამიანებს.
მნიშვნელოვანია ხალხმა იცოდეს რა ბრძოლაში მიყვებიან პარტიებს. ბუნდოვნების დროს აღარ არის.
კომენტარები