“ახალია, უამრავი საქმეა…” – როდის მოიცლის შიო მესამე, რომ “ოცნებას” პატიმრების შეწყალება სთხოვოს?

საპატრიარქოს საზოგადოებასთან ურთიერთობის სამსახურის ხელმძღვანელი, ანდრია ჯაღმაიძე “პირველებთან” ვერ ასახელებს კონკრეტულ დროს, როდის მიმართავენ მთავრობას პატიმრების შეწყალების თხოვნით.

“ერთხელ ხომ ვთქვით და ახლა როგორ ფიქრობთ, ახალი პატრიარქია, უამრავი საქმეა გასაკეთებელი საპატრიარქოში, რომ სამუშაო პროცესი გაიმართოს და ე.ი. დღის წესრიგში რა უნდა გვქონდეს, ჯერ ალბათ აქ რომ პროცესი გაიმართოს. ვთქვით, რომ ჩვენ ამ საკითხზე კიდევ ვიმსჯელებთ, ყოველდღე ხომ არ შეიძლება ამის ლაპარაკი ხომ,” – ამბობს ანდრია ჯაღმაიძე.

ცნობისთვის, ანდრია ჯაღმაიძე აცხადებდა, რომ ხელისუფლებას რამდენჯერმე მიმართა საპატრიარქომ სინდისის პატიმრების გათავისუფლების თხოვნით, მათ შორის, მეუფე შიომაც ერთხელ, თუმცა, პასუხიც არ მიუღიათ.

დღეს სოციალურ ქსელში გავრცელდა ბოდბელი მთავარეპისკოპოსი იაკობის ქადაგება, რომელმაც მრევლს უთხრა, რომ საქართველოს საპატრიარქოს ისეთ რაღაცებს თხოვენ, რაც ეკლესიის საქმე არ არის.