“მთავრობა ვერ გააკეთებს ბაღნებს, ბაღნები უნდა გააკეთოთ თქვენ” – ედიშერ გვენეტაძე.

ისტორიკოსი, ედიშერ გვენეტაძე, სოციალურ ქსელში, წერს:

მე რომ მკითხოთ ახლა ქართველებისათვის მთავარი ორი ლოზუნგი უნდა იყოს: “ქორწინება, ქორწინება და კიდევ ქორწინება” და “ბნელდება ლოგინი, ბნელა ლოგინი, თენდება ლოგინი”!
არ დაიწყოთ ახლა, როგორ გავზარდოთ და რით გავზარდოთო.
რით და როგორც ჩვენი წინაპრები ზრდიდნენ: მჭადით, ქოთანში ამოლესილი ლობიოთი, ადესა ღვინით და პრასით.
წინააღმდეგ შემთხვევაში, მაგ უცხოეთიდან სიმწრით ნაშოვნი და გამოგზავნილი ფულებით აშენებულ სახლებში, უახლოეს მომავალში უცხო ტომელები შესახლდებიან.
მერე იძახეთ მთავრობაო!
მთავრობა ვერ გააკეთებს ბაღნებს (გურ). ბაღნები უნდა გააკეთოთ, გაზარდოთ და აღზარდოთ მამულიშვილებად თქვენ.
P.S. ატეხეს წკავწკავ-წკმუტუნი, პატრიარქმა რატომ თქვა “არა აბორტსო”. აბა რა ეთქვა, მიბაძეთ ბებია სალომეს, შვილის ნათლიას გაჰყევით ცოლად და დოროთეს ააგებინეთ როთულად წესიო?!
და ბოლოს-ვინც 40 წელს არის მიღწეული, არ არის დაქორწინებული და არ ჰყავს 3 შვილი მაინც, შევთანხმდეთ და არ ავირჩიოთ პარლამენტში.