“როგორ გავაგებინოთ ეს სოციოპათებს, ამიხსენით ვინმე ფსიქიატრმა, გთხოვთ” – ელენე ქაიხოსროშვილი

სამოქალაქო აქტივისტი, ელენე ქაიხოსროშვილი:

დიუშენით დაავადებული ბავშვების თემაზე კობახიძემ იმედის ეთერში თქვა: რაღაც გადაწყვეტილება მიიღო ხელისუფლებამ (არ მინდა დაკონკრეტებაო) და სახელმწიფოს აქვს დაახლოებით 30 მილიონი დახარჯული მაგის მერე რაღაცაში, რაც ხელშესახებ შედეგს არ იძლევა და ესეთი რაღაც შეიძლება მოხდეს ეხლაცო.

მე, როგორც მოქალაქეს, აბსოლუტურად მახატია ყველანაირი 30 000 000 ამ კონტექსტში. ყველას გვახატია. არავის ექნება პრეტენზია არავისთან ბავშვების სიცოცხლისთვის გახარჯულ არც ერთ თეთრზე!

როგორ გავაგებინოთ ეს სოციოპათებს, ამიხსენით ვინმე ფსიქიატრმა, გთხოვთ..

ცნობისთვის კობახიძემ თქვა:

დაახლოებით 30 მილიონი აქვს სახელმწიფოს დახარჯული ისეთ რამეში, რაც ხელშესახებ შედეგს არ იძლევა. გამომდინარე იქიდან, რომ იოლი გამოსავალი ენახა მთავრობას, არ მიეღო ზედმეტი პიარული ტვირთი საკუთარ თავზე, ასეთი გადაწყვეტილება იქნა მიღებული და ეს გადასახადის გადამხდელს დაუჯდა 30 მილიონი ლარი.

…კითხვა დავუსვი კონკრეტულ ადამიანს, იცით თუ არა, რომ ეს კონკრეტული მედიკამენტი იწვევს განკურნებას, სიცოცხლის გახანგრძლივებას, ეტლში ჩაჯდომის გადავადებას და ა.შ. არც ერთ კითხვაზე არ ჰქონდა პასუხი.

უცნობია, იყო, თუ არა, ეს კონკრეტული პირი ჯანდაცვის მინისტრი, რომელმაც, მიუხედავად იმისა, რომ უარი თქვა წამლის შემოტანაზე, განაცხადა:

ამ მედიკამენტების ფუნქცია არის მხოლოდ ის – ოღონდ კითხვის ნიშნებით – რომ გადაავადოს ეტლის საჭიროება ერთი წლიდან სამ წლამდე ვადით.

მინისტრის ეს განცხადება გააპროტესტეს მშობლებმა, რომელთა თქმით, ბევრად მეტი წლით ახანგრძლივებს ეტლის საჭიროების გადავადებას.