ანალიტიკოსი, ზურაბ ბატიაშვილი:
ზუსტად 103 წლის წინ, 1923 წლის 20 მაისს, თბილისში, ვაკის პარკის ტერიტორიაზე, საბჭოთა ჩეკამ ანტისაბჭოთა აჯანყების მოწყობის მცდელობისთვის დახვრიტა საქართველოს დამოუკიდებლობისათვის მებრძოლი ქართველი ოფიცრები.
ისინი იყვნენ იატაკქვეშეთში მოქმედი საქართველოს დამოუკიდებლობის კომიტეტის „სამხედრო ცენტრის“ წევრები, რომლებიც საქართველოს გათავისუფლების გეგმაზე მუშაობდნენ, მათ შორის იგეგმებოდა საერთო სახალხო აჯანყების მოწყობა.უკვე დიდობაში აღმოვაჩინე, რომ ვაკეში დახვრეტილთა შორის ერთ-ერთი ალექსანდრე ანდრონიკაშვილი სულ მთლად ჩვენი მეზობელი ყოფილა დედაჩემის სოფელში (სიღნაღის მუნიციპალიტეტის სოფ. ნუკრიანი).ბავშვობაში ვიცოდი, რომ ადრე მეზობლად ანდრონიკაშვილები ცხოვრობდნენ, მაგრამ იმ ოჯახის წევრი დამოუკიდებლობისთვის ბრძოლას რომ შეეწირა, ამის ხსოვნა ან წაშლილი იყო ან ვინც იცოდა, ალბათ ამის ხმამაღლა თქმას ვერ ბედავდა.ვაკის პარკის ტერიტორიაზე დახვრეტილ მამულიშვილთა სრული სია კი ასეთია:1. გენერალი ალექსანდრე სიმონის ძე ანდრონიკაშვილი2. გენერალ-მაიორი ვარდენ გრიგოლის ძე წულუკიძე3. პოლკოვნიკი გიორგი ნიკოლოზის ძე ხიმშიაშვილი4. პოლკოვნიკი როსტომ ილიას ძე მუსხელიშვილი5. გენერალი კონსტანტინე ნიკოლოზის ძე აფხაზი6. უმცროსი ოფიცერი ნიკოლოზ მიხეილის ძე ზანდუკელი7. როტმისტერი სიმონ ლევანის ძე ბაგრატიონ-მუხრანელი8. როტმისტერი ფარნაოზ ლევანის ძე ყარალაშვილი9. იასონ მათეს ძე კერესელიძე10. ოფიცერი ივანე გრიგოლის ძე ქუთათელაძე11. სიმონ იაგორის ძე ჭიაბრიშვილი12. პოლკოვნიკი ალექსანდრე მიხეილის ძე მაჭავარიანი13. პოლკოვნიკი ელიზბარ ზაქარიას ძე გულისაშვილი14. ლევან ირაკლის ძე კლიმიაშვილი15. დიმიტრი ნიკოლოზის ძე ჩრდილელი
მადლობა მათ თავდადებისთვის!დიდება გმირებს!














კომენტარები