“საქართველო მაჩანჩალას მდგომარეობაში აღმოჩნდა” – ხიდაშელი

თავდაცვის ყოფილი მინისტრი, თინა ხიდაშელი. ევროკავშირსა და კანდიდატ ქვეყნებს შორის მოლაპარაკებების პროცესის გააქტიურების ფონზე, საქართველოსთვის მოსალოდნელ საფრთხეებზე საუბრობს და ამბობს:

აქ მნიშვნელობა არ აქვს, რამდენი მიმართულებით გაიხსნება მოლაპარაკებები. ეს მეორეხარისხოვანია პირველი ეტაპისთვის. შემდეგ, რა თქმა უნდა, ეს უკვე ძალიან მნიშნელოვანი ხდება, როდესაც პროცესი დაიწყება, მაგრამ ამ წუთას მნიშვნელოვანია, რომ პროცესი დაიწყოს. სულ რომ ერთი მიმართულება გაიხსნას მხოლოდ, ეს უკვე იქნება უზარმაზარი წინ გადადგმული ნაბიჯი როგორც ამ ორი ქვეყნისთვის, ასევე ევროკავშირისთვის საკუთარი დანაპირებები შესრულების გზაზე. და, ჩვენთვის, რა თქმა უნდა, ყოველი ასეთი მოძრაობა არის ძალიან მძიმე საყურებელი, მძიმე მოსასმენი, მძიმედ აღსაქმელი, იმიტომ, რომ, რაღაც დაგვიოგროვდა ეს გამოთქმა და სულ ვამბობთ, მაგრამ ფაქტია, რომ ასეა, რომ ერთ დროს მოწინავე ქვეყანა საქართველო ახლა სრულიად მაჩანჩალას მდგომარეობაში აღმოჩნდა და გაჩნდა ალბათობა ყოველ ჯერზე, როდესაც მკვეთრი მოძრაობა განხორციელდება უკრაინას და მოლოდვას მიმართულებით, გაჩნდება იმის საფრთხე, რომ ჩვენ, უბრალოდ, პროცესის მიღმა დავრჩეთ, რომ ეს იყოს არა უბრალოდ დაგვიანება, არამედ პროცესი მიღმა დავრჩეთ. სადაც გავჩერდით, იქიდან ჩვენ ვერ დავიწყებთ, იმიტომ, რომ სადაც გავჩერდით, იქიდან ძალიან უკან წავიდა საქართველო, ამიტომ სასქართველოს საშინაო დავალებების სია გაცილებით უფრო გრძელია დღეს, ვიდრე იყო იმ მომენტში, როდესაც ჩვენ გავჩერდით. 2030 წელი ძალიან ახლოსაა. 2030 ხვალ მოვა, ძალიან ახლოა, მოსახვევშია, ამიტომ ძალიან ცოტა დრო რჩება იქამდე, როცა ჯერ კიდევ შესაძლებელია, პროცესის შემობრუნება და ჩაბმა 2030 წლის გაფართოების მატარებელში, – ამბობს თინა ხიდაშელი.