“ვერცერთი ოპო ტელევიზია ვერ შეირგებს გამარჯვებას” – ჩერგოლეიშვილი

ფედერალისტების თანადამფუძნებელი, თამარ ჩერგოლეიშვილი:

გუშინ გიორგი რუხაძის ინგლისურენოვან პოდკასტში ვიყავი და კითხვა დამისვა, ალიანსი რომ შექმენით კი გვიხარია, მაგრამ აბა სად ჩანხართო.

სად ვჩანვართ და იმედზე, პოსტივიზე – ეგენი დაგვდევენ და გვაშუქებენ.

მომიწია დეტალურად ახსნა, რომ მამუკა ხაზარაძე არჩენს ოპოზოციურ ტელევიზიებს – მამუკა ხაზარაძეს ალიანსის მარცხი უნდა, რადგან თავად ხაზარაძე ალიანსის უფროსი არ არის და თანასწორ პარტნიორობას ხაზარაძე ვერ ეგუება, ფარჩაკად ხედავს საკუთარ თავს თანასწორ პარტნიორობაში – ამიტომ მის ინტერესშია ყველა დაიბლოკოს, ვინც ალიანსს დამაჯერებელ ალტერნატივად წარმოაჩენს.

ასევე მომიწია ახსნა, რომ ბოლო დიდი გადარიცხვა ფორმულას ნაცმოძრაობიდან ჰქონდა გასულ ზაფხულს – ნახევარ მილიონზე მეტი.

არც სააკაშვილს უნდა ალიანსის დამაჯერებელ ალტერნატივად წარმოჩენა, რადგან მას წესებზე უზენაესად არ ვაღიარებთ და კანონზე მაღლა არ ვაყენებთ – მისი ინტერესია, რომ ყველაფერი გაფარჩაკდეს, სადაც ის არაა აღიარებული კერპად.

როდის მნახე ბოლოს ეთერში მეთქი და დაიბნა

ამას სიამოვნებით ვყვები, რადგან პოლიტიკა მიყვარს და ერთგვარ ცივილიზაციურ ჭინთვას ვუყურებ – ვუყურებ რა ვულგარულად ფართხალებს ოპოზიციური ავტოკრატია, ტელევიზიებად წოდებული სწორი ნაწლავიანად – სიკვდილის წინ

ტყუილად ფართხალებთ, ივანიშვილზე გამარჯვების გზა მაინც ოპოზიციური ავტოკრატიის ნანგრევებზე გადის. ვერცერთი ოპო ტელევიზია ვერ შეირგებს გამარჯვებას, რადგან ივანიშვილის მარცხი მათი მარცხიც იქნება.