რუსული Red Wings-ის მოსკოვი-ბათუმის რეისზე, თვითმფრინავის უკანა ნაწილი დაიტბორა. ინფორმაციას რუსული Telegram-არხი BAZA ავრცელებს და წერს, რომ შემთხვევა 13 მაისს მოხდა. მათივე ცნობით, ბორტზე 64 ადამიანი იმყოფებოდა.
როგორც რუსული გამოცემა ამტკიცებს, დატბორევა მგზავრის ბრალია, რადგან, მათი ინფრომაციით, აფრენის შემდეგ თვითმფრინავის ერთ-ერთმა მგზავრმა ტუალეტში ხელების დაბანის დროს ონკანის სახელური ზედმეტად ძლიერად მოქაჩა და დააზიანა, რის შემდეგაც მაღალი წნევით წამოსულმა წყალმა თვითმფრინავის კუდის ნაწილი დატბორა. სწორედ ამის გამო, ეკიპაჟმა ფრენის გაგრძელებაზე უარი თქვა და უკან, მოსკოვში გაბრუნდა. მათივე ინფორმაციით, ზარალი 1 მილიონ რუბლს აღწევს.
ჩატარდა თუ არა ექსპერტიზა და ან როგორ დადგინდა, რომ მგზავრმა მოქაჩა ძლიერ და დააზიანა თუ არ იყო თვითმფრინავი გამართული მგზავრობისთვის – უცნობია.
კომენტარები