თბილისის საქალაქო სასამართლოში „ნაციონალური მოძრაობის“ პოლიტსაბჭოს თავმჯდომარის, ლევან ხაბეიშვილისა და ყოფილი გენერალური პროკურორის, მურთაზ ზოდელავას დასკვნითი სასამართლო პროცესი მიმდინარეობს.
დღევანდელ სხდომაზე მხარეები დასკვნითი სიტყვით ისარგებლებენ. საბოლოო სიტყვით მიმართავს სასამართლოს ლევან ხაბეიშვილიც.
სასამართლოში ლევან ხაბეიშვილი უკვე მიიყვანეს, რაც შეეხება მურთაზ ზოდელავას – მან პროცესში მონაწილეობაზე უარი განაცხადა.
ხაბეიშვილის ადვოკატის თქმით, ბრალდება გამოგონილი და სამართლებრივ მეცნიერებას ეწინააღდმეგება.
საქართველოში არის პირველად, როდესაც ნაწამებ ადამიანს, ერთის მხრივ ნაწამებს, მეორეს მხრივ პოლიტიკური დაპირების გამო ასამართლებენ და ყველა მოწმე, თუ ვინმე დაიკითხებოდა, იყო დაცვის მხარის, ძალიან კარგად ვნახეთ, რომ ბრალდების მხარემ ჩახსნა მოწმეები, იმიტომ რომ ბრალდებაც მიხვდა, აბსურდი იქნებოდა მათი დაკითხვა. როდესაც მოვიდა გდდ-ის თანამშრომელი, რომელიც თითქოსდა შეურაცხყოფილი იყო, რაც სისხლის სამართლის დანაშაული არ იყო, ის ჯვარედინი დაკითხვის დროს სამართლებრივად განადგურდა, ამის შემდეგ კი ბრალდებამ ჩათვალა საჭიროდ, რომ საერთოდ არ უნდა მოეყვანათ მოწმეები. ასევე, მტკიცებულებებში იყო საჯარო კადრები, რაც არ ისჯება, საქართველოს კონსტიტუციით, არც სისხლის სამართლით, პოლიტიკოსის დაპირება და სიტყვა დასჯადი არ არის. იმდენად გამოგონილია სამართლებრივ მეცნიერებას ეწინააღდმეგება ეს საქმე და იმედი მაქვს, სრულიად სამართლებრივ მეცნიერებას არ ამოატრიალებს მოსამართლე, – განაცხადა ლაშა ტყეშელაძემ.
ცნობისთვის, ლევან ხაბეიშვილს ბრალდება საქართველოს სისხლის სამართლის კოდექსის 339-ე მუხლის მეორე ნაწილით წარედგინა, რაც უკანონო ქმედების ჩასადენად მოხელისათვის ქრთამის, ფულის გადაცემის დაპირებას გულისხმობს, რათა მან თანამდებობრივი უფლებების განხორციელებისას და მოვალეობების შესრულებისას ქრთამის მიმცემის სასარგებლოდ განახორციელოს რაიმე ქმედება ან თავი შეიკავოს რაიმე ქმედების განხორციელებისაგან.
ამასთან, ლევან ხაბეიშვილს ბრალი ასევე წარედგინა საქართველოს სისხლის სამართლის კოდექსის 317-ე მუხლით, რაც გულისხმობს საქვეყნოდ მოწოდებას სახელმწიფო ხელისუფლების დამხობისაკენ.
კომენტარები