“ლანძღვის ორგანიზატორებს შური თუ ამოძრავებთ, რადგან ზენონი მათზე უკეთესი ქართველია” – არჩილ გამზარდია

ლანძღვის ორგანიზატორებს შური თუ ამოძრავებთ, რადგან ზენონი მათზე უკეთესი ქართველია, მათზე გულწრფელი და სულიერი ადამიანია, მათზე ვაჟკაცი და გაბედულიც და ყველაზე მთავარი, ზენონის ბრძოლას რომ ეკლესია უკეთესი ყოფილიყო, ისტორია შემოინახავს, დღეს 70-იანი წლები არაა, რომ ეკლესიის ისტორია კაბინეტებში იწერებოდეს, დღეს ის ფართოდ შემორჩება მეხსიერებას, როგორც იშვიათი, რჩეული და გაბედული ქრისტეს მხედარი.

მისგან განსხვავებულად შემოინახავს ისტორია მშიშარა კონფორმისტ ეპისკოპოსებსაც, რომელთა სახელებსაც მძიმე ტვირთის თრევა მოუწევთ.

როგორაა ხომ გახსოვთ “სჯობს სახელისა მოხვეჭა ყოველსა მოსახვეჭელსაო”, თითოეული სათქმელიც და სიჩუმეც წინ დახვდება ყველას, ვისაც რაღაცის შეცვლა შეეძლო და არ შეეცადა, ერშიც და ბერშიც.

ზენონს კი რა უჭირს, რაც მეტ წნეხში აღმოჩნდება, მით უკეთესი მისი სულისთვის, რის გამოც გახდა სულაც ბერი.