“კითხვა მეუფე შიოს” – გოჩა მირცხულავა 

„საქართველოს სახელმწიფოსა და საქართველოს სამოციქულო ავტოკეფალურ მართლმადიდებელ ეკლესიას შორის“ კონსტიტუციური შეთანხმების მუხლი 11-ს 1 პუნქტის მიხედვით: სახელმწიფო ადასტურებს XIX-XX საუკუნეებში (განსაკუთრებით 1921-90 წლებში), სახელმწიფოებრივი დამოუკიდებლობის დაკარგვის პერიოდში, ეკლესიისათვის მატერიალური და მორალური ზიანის მიყენების ფაქტს. როგორც ჩამორთმეული ქონების ნაწილის ფაქტობრივი მფლობელი, იღებს ვალდებულებას მატერიალური ზიანის ნაწილობრივ კომპენსაციაზე (საქართველოს სსრ მინისტრთა საბჭოს დადგენილება 183; 12.04.90).

ვის მიერ არის მიყენებული ზიანი, რა ზიანზეა საუბარი? თქვენ აცხადებთ – კერძო საუბრებში, რომ რუსეთის იმპერიას და საბჭოთა კავშირს, საქართველოს ეკლესიისთვის არანაირი ზიანი არ მიუყენებია. ხომ არ მიგაჩნიათ მიზანშეწონილად, თქვენი პოზიციის გათვალისწინებით, ამ მუხლის ამოღება და შესაბამისად იმ დაფინანსების შეწყვეტა, რომელსაც ეკლესია იღებს და ასევე იმ მიწების დაბრუნება სახელმწიფოსთვის, რომელიც ამ მუხლის გათვალისწინებით გადაეცემოდა ეკლესიას?

ან იქნებ განმარტოთ, რა ზიანზეა საუბარი და რუსეთმა და საბჭოთა კავშირმა რა ზიანი მიაყენეს ეკლესიას?