ქართული ოცნების ერთ–ერთი ლიდერი, ირაკლი ზარქუა, ამჯერად, პოლონეთს სდებს ბრალს, თითქოსდა ის გეგმავს რევოლუციას მისი პარტიის წინააღმდეგ. ზარქუა არ აკონკრეტებს, ეს მერამდენე ქვეყანაა უკვე, ვისაც მსგავსს ბრალს უყენებენ და რით დასრულად წინა ბრალდებები. ზარქუა ამბობს რომ პოლონეთის მთავრობას აქვს უმუშევრობის პრობლემა ქვეყანაში, ოღონდ, არ ამბობს, როგორ მოხდა, რომ საქართველოს არაერთი მოქალაქე მიდის პოლონეთში სამუშაოდ და საქმდება.
ირაკლი ზარქუა:
“პოლონეთის მთავრობა, რომელსაც ამდენი პრობლემა აქვს: უმუშევრობა, მაღალი ინფლაცია, კომუნალურების ზრდა, მიგრაცია, იცლის და აფინანსებს ტელევიზიას, სადაც ქალბატონმა კობერიძემ აქ, თურმე, საქართველოს უნდა გააცნოს სიახლეები. ეს არის მათი პატრონების მორიგი პროექტი, რომ იქიდან, ტელევიზიიდან შეუტიონ, ჩვენი საზოგადოების რადიკალიზაცია და პოლარიზაცია მოახდინონ.
ცალკე მოგიყვებით ჰერჩინსკის დავალებაზე. იცით, რომ ისიც პოლონელია. როგორც ირკვევა, საქართველოში მორიგი რევოლუციური ტალღა პოლონეთმა უნდა გასწიოს. ალბათ, ამან უნდა შეძლოს. დანარჩენები ჩაფლავდნენ და ახლა ვნახოთ აბა, პოლონეთი რას იზამს. ამას უკავშირდება, აბა, როგორ შეიძლება საკუთარ ქვეყანაში ამდენი პრობლემა გქონდეს და იცლი, დააფინანსო ტელევიზია უცხო ქვეყნის მაუწყებლობით. ეს ხომ ნონსენსია. პოლიტიკური ინტერესებია, რომ აქ არიონ სიტუაცია არიონ, შემდეგ მოიყვანონ ხელისუფლებაში „ჩერგოები“ და მისი სადაქალო და გააკეთებინონ ის, რასაც სააკაშვილის დროს აკეთებინებდნენ. ეს არის ამოცანა და მიზანიც” [IPN]
27 აპრილს ცნობილი გახდა, რომ პოლონეთის საზოგადოებრივმა მაუწყებელმა ქართულენოვანი განყოფილება გახსნა. ამის შესახებ ინფორმაცია პოლონეთის საგარეო საქმეთა სამინისტრომ გაავრცელა. მათივე ცნობით, ის ხელმისაწვდომი youtube-სა და “ბელსატზე” იქნება.
“VT Sakartvelo News ლაივშია – ახალი ამბების ახალი, ქართულენოვანი სამსახური პოლონეთის საზოგადოებრივი მაუწყებლის, TVP-ს მიერ. პროგრამა გაწვდით სანდო ინფორმაციას, ევროპულ პერსპექტივას და მხარს უჭერს რეგიონში დეზინფორმაციასთან ბრძოლის ძალისხმევას” | წერს პოლონეთის საგარეო საქმეთა სამინისტრო X-ზე.
კომენტარები